Հայկական լրատվամիջոցները հերթական անգամ կուլ տվեցին ադրբեջանական խայծը

Այսօր մի շարք լրատվամիջոցներ տարածել են «Հայկական Ժամանակ» թերթի հրապարակված «Ամոթ է» խոսուն վերնագրով նյութն այն մասին, թե բանանը Ադրբեջանում 850-ից նվազել է 420 դրամ՝ 2.5-3 մանաթից հասնելով 1.2-1.5-ի, այնինչ Հայաստանում այն շարունակում է մնալ թանկ, իսկ ոլորտը՝ մենաշնորհային:

Թե որքանով է արժանահավատ այս տեղեկությունը, կփորձենք պարզաբանել, այսպես ասած, «չոր թվերի» լեզվով: Մասնավորապես, 1 կգ բանանի գինը հոկտեմբերին Ադրբեջանում կազմել է 1.61 դոլար` 762 դրամ, իսկ Վրաստանում՝ 1.50 դոլար` 712 դրամ:

Ընդ որում՝ նշեմ, որ Ադրբեջանում բանանի գինը ոչ վաղ անցյալում միջինը կազմել է 3.5-4 դոլար: Կարևորելով սպառողների առաջ մեր ընկերության պատասխանատվությունը՝ տեղեկացնում եմ, որ Ադրբեջանում բանանը ոչ թե 1.2-1.5 մանաթ է, այլ 1.2-1.5 ԱՄՆ դոլար: Կարծում ենք` ոչ մի ԱՄՈԹ բան չկար, որպեսզի լրագրողը զանգահարեր մեր ընկերություն և ճշտեր իրեն հետաքրքրող տվյալները, այլ ոչ թե հոդված գրելուց օգտվեր միայն մեկ աղբյուրից, առավել ևս՝ ադրբեջանական:

Իսկ թե ինչ նպատակ է հետապնդում թերթը, դոլարը մանաթ դարձնելով, հասարակության շրջանում անտեղի կրքեր բորբոքելով, թողնում եմ ընթերցողների դատին: Հայաստանում, Ադրբեջանում, Վրաստանում բանանի գները կարելի է ճշտել առցանց, օրինակ՝ համացանցում որոնելով food prices:

Հայկական շուկայում բանանի գնի առումով, չգիտես ինչու, հաշվի չեն առնվում պարզ իրողություններ, որոնց արդեն առիթ եմ ունեցել անդրադառնալ: Մասնավորապես, ներմուծված ապրանքի վերջնական գնի վրա, բացի լոգիստիկ և մաքսազերծման գործոններից, ազդեցություն ունեն նաև տեխնիկական, թղթաբանական և վարչարարական տարբեր տիպի հարցեր: Եվ նույնիսկ այս պարագայում Հայաստանում բանանի գինը տարածաշրջանի երկրների, այդ թվում` Ադրբեջանի համեմատ միանգամայն մրցունակ է։ Օրինակ՝ բանանը Վրաստանում արժե այնքան, որքան Հայաստանում։

Հայաստանում և հարևան երկրներում բանանի ներմուծման առանձնահատկությունների, «Քեթրին Գրուպի» մենաշնորհային դիրքի և հասարակությանը հուզող այլ խնդիրների վերաբերյալ օրեր առաջ տվել եմ հարցազրույց, որին կարող եք ծանոթանալ այստեղ`

Հարգելի ԶԼՄ-ներին կոչ եմ անում այսուհետ իրենց հետաքրքրող բոլոր հարցերի վերաբերյալ դիմել մեր ընկերություն, որտեղ միշտ կստանաք Ձեզ հետաքրքրող հարցերի սպառիչ պատասխանները: 

Հարգանքով, «Քեթրին Գրուպ» ընկերության սեփականատեր, գլխավոր տնօրեն Ռիկարդո Անտոնիո Մերինո