Ինչո՞ւ է աղը վնասակար և ինչպե՞ս այն սահմանափակել սննդաբաժնում

Գիտնականները կարծում են, որ աղի չափազանց շատ օգտագործումը ծերացնում է: Իսկ որքա՞ն աղ է մարդուն անհրաժեշտ: ԱՀԿ-ն սահմանել է օրական 5 գր աղի չափաքանակը, իսկ մարդն օրական օգտագործում է 9-12 գր աղ:

Թիրախը երիկամներն ու անոթներն են:

Աղը կոշտացնում է անոթներ, խաթարում անոթների աշխատանքը։ Անոթները չեն կարողանում լայնանալ, հետո՝ իրենց հիմնական ձևին վերադառնալ: Այդ պատճառով արագանում է սրտի աշխատանքը և բարձրանում արյան ճնշումը: Աղը դժվարացնում է նաև երիկամների աշխատանքը: Շատ աղ օգտագործելու դեպքում օրգանիզմն աշխատում է նաև գիշերը՝ քնած ժամանակ, ինչի հետևանքով առավոտյան արյան ճնշումը բարձրանում է:

Ինչպե՞ս սահմանափակել աղի քանակը սննդաբաժնում:

1. Մի՛ գնեք կիսաֆաբրիկատներ, որովհետև երբեք չեք կարող իմանալ, թե դրանց մեջ որքան աղ կա:

2. Մթերք գնելիս ուշադրություն դարձրեք, թե որքան աղ է այն պարունակում:

3. Փորձեք ուտելիքն աղի՞ է, թե՞ ոչ, ապա աղ ավելացրեք, գուցե դրա կարիքն ընդհանրապես չկա:

4. Ուտելիք պատրաստելիս փորձեք աղի փոխարեն այլ համեմունքներ օգտագործել:

5. Երբ սննդին լրացուցիչ աղ չավելացնեք, կվարժվեք ուտելիքի այդ համին:

Նյութը հրապարակման պատրաստեց Past.am-ը: