Բրիտանիայում ռեստորանների ցանցը փակվել է ստամոքսագրիպի բռնկման պատճառով

Ավելի քան 300 մարդ Է հիվանդացել ռեստորանների ցանցում նորովիրուսի ենթադրյալ բռնկումից հետո: Այդ մասին, ինչպես տեղեկացնում Է «Արմենպրես»-ը՝ հղում անելով BBC-ին, հայտնել Է Անգլիայի առողջապահության նախարարությունը:

Բրիտանական Mirror թերթի տվյալներով՝ խոսքը վերաբերում Է Wahaca մեքսիկական խոհանոցի ռեստորանների ցանցին, որը հարկադրված Է եղել վարակի պատճառով փակել ինը հաստատություններ, դրանցից հինգը Լոնդոնում:

Առողջապահության նախարարությունը հետաքննություն Է  սկսել այն բանից հետո, երբ հիվանդացել են ռեստորանի հարյուրավոր աշխատակիցներ եւ այցելուներ:     

Գերատեսչության ներկայացուցիչը Mirror-ին պատմել Է. «Սկզբնական թեստերը ենթադրում են, որ հիվանության պատճառ Է դարձել նորովիրուսը: Դրանից հետո Wahaca-ն կամավոր փակել Է ինը հաստատություն»:

Հաղորդվում Է, որ հիվանդացել են ռեստորանի 205 աշխատակիցներ եւ 160 այցելուներ:

Նորովիրուսը եւ դրա ախտանշանները

.   Վարակվելուց 12 – 48 ժամ անց սկսվում են փսխում եւ փորլուծություն

.   Հիվանդացածներից ոմանց մոտ բարձրանում Է ջերմությունը, սկսվում Է գլխացավ

.   Վիրուսը հեշտորեն փոխանցվում Է հիվանդի հետ շփման ժամանակ կամ վարակված ուտելիքի եւ խմելիքի միջոցով, ինչպես նաեւ վարակված օբյեկտներին ձեռք տալիս

.   Նորովիրուսային վարակը հաճախ աղիքային կամ ստամոքսային գրիպ են անվանում:-