Սուրճը քաղցկեղի առաջացման ռիսկը նվազեցնում է (քանի դեռ այն տաք չեք խմում)

ԼԱՅՖ 4 Նոյեմբեր, 2016 16:34

Շատ տաք ըմպելիքները կարող են հանգեցնել քաղցկեղի, ինչպես նաև շատ տաք սուրճը, հաղորդում է ԱՀԿ-ն:

Ուռուցքի հետազոտության միջազգային կոմիտեն ուսումնասիրության արդյունքում հանգել է այն եզրակացության, որ խմիչքները սպառվում են 65°C-ից բարձր պայմաններում՝ բարձրացնելով քաղցկեղի հնարավոր առաջացման վտանգը:

Հետազոտողները Հարավային Ամերիկայում պարզեցին տաք սուրճ խմելու հետևանքով ուռուցքի առաջացման պատճառները:

Դեռևս 1991 թվականին տաք սուրճը դասակարգվել է այն խմիչքների շարքին, որոնց տաք օգտագործումը կարող է ուռուցք առաջացնել: Այնուամենայնիվ, տաք սուրճն այնքան ռիսկային չի համարվում քաղցկեղի առաջացման համար, որքան ալկոհոլն ու ծխախոտը:

Գիտական ուսումնասիրությունների արդյունքում պարզ դարձավ, որ շատ տաք սուրճը կարող է խթանել ստամոքսի քաղցկեղի առաջացումը, ուստի գիտնականները խորհուրդ են տալիս սուրճը պատրաստելուց հինգ րոպե հետո խմել:

Այս ամենից զատ, սուրճն ունի մի շարք օգտակար հատկություններ: Գիտնականները ապացուցել են, որ կոֆեինն ակտիվացնում է գլխուղեղի աշխատանքը, արագացնում նյութափոխանակությունը, կրկնակի ուժեղացնում հիշողությունը, աշխատունակությունը եւ ռեակցիան: Սուրճն ազդում է սրտի և անոթների վրա, արագացնում սրտի ռիթմն ու կծկումները, որն իր հերթին թեթևակի բարձրացնում է արյան ճնշումը' չառաջացնելով ո՛չ հիպերտոնիա, ո՛չ սրտի կաթված: Այն նպաստում է մարսողությանը և ազդում թոքերի գործառույթների վրա՝ ավելացնելով շնչառական շարժումների արագությունը: Օրգանիզմը, ընդունելով իրեն անհրաժեշտ կոֆեինը, վերջում այն դուրս է մղում օրգանիզմից:

Նյութը հրապարակման պատրաստեց Past.am-ը: