Ախուրյանում անօթևանները հունվարի 1-ը կդիմավորեն նորակառույցներում

Ախուրյանում անօթևանները հունվարի 1-ը կդիմավորեն նորակառույցներում: Այստեղ իրականացվող բնակարանային շինարարության ընթացքին ծանոթանալու նպատակով Շիրակի մարզպետ ՀովսեփՍիմոնյանը նոյեմբերի 7-ին եղավ շինհրապարակում, ծանոթացավ շինարարության ընթացքին:

Շիրակի մարզի Ախուրյան համայնքի երկրաշարժի հետևանքով անօթևան մնացած ընտանիքների բնակարանային ապահովման անհրաժեշտությամբ պայմանավորված՝ կառավարությունն ընդունել է համապատասխան որոշում: Հիմնավորման համաձայն« ՀՀ 2016 թ. պետբյուջեով նախատեսված 798.0 մլն. դրամ գումարով ՀՀ Շիրակի մարզպետարանի պատվիրատվությամբ իրականացվում է Ախուրյան համայնքի երկրաշարժի հետևանքով անօթևան մնացած ընտանիքների բնակարանային ապահովման ծրագիրը: Ավարտին են հասցվելու «Գլենդել-Հիլզ» կազմակերպության կառուցած 3 կիսակառույց բնակելի շենքերի շինարարական ախատանքները:

 Հատկացված գումարի սղության պատճառով նախագծանախահաշվային փաստաթղթերում չեն ընդգրկվել բնակարանների՝ թվով 104 գազօջախների ձեռք բերման և տեղադրման« ինչպես նաև որոշ հատվածների բարեկարգման շինարարական աշխատանքներ: Որոշմամբ նախատեսվում է պետբյուջեով ՀՀ Շիրակի մարզպետարանին հատկացված գումարներից կապալառու կազմակերպությունների ընտրության մրցույթների գնումների գործընթացում տնտեսված 44«485.2 հազ. դրամ գումարը տրամադրել «Ախուրյանում բնակարանային շինարարության իրականացում (3 անավարտ շենքերի կառուցում)» ծրագրի իրականացմանըÖ ‰

Շրջայցի ավարտին պատասխանելով լրագրողների հարցերին՝ մարզպետ Հովսեփ Սիմոնյանը վստահեցրեց, որ շենքերը շահագործման կհանձնվեն ժամանակին՝ դեկտեմբերի 20-ին: «Շրջեցի, տեսա, որ ժամկետների մեջ ամբողջությամբ տեղավորվում ենք և խոսք ենք տալիս բնակիչներին, որ 2017 թվականի հունվարի 1-ն իրենք կդիմավորեն նոր բնակարաններում»,-նշեց մարզպետը՝ հավելելով, որ որակական առումով ևս շինարարությունն իրականացվում է բոլոր նորմերին համապատասխան: