Հղիներին խորհուրդ է տրվում հնարավորինս շատ ձուկ ուտել

Հղիության ընթացքում ձուկ օգտագործելը կնվազեցնի ապագա երեխայի մոտ աուտիզմի զարգացման ռիսկը: Հղիության ընթացքում զգալի քանակությամբ ձուկ օգտագործելը բարելավում է երեխայի ուղեղի գործառույթները և պաշտպանում է աուտիզմից, հաղորդում են հետազոտողները:

Ինչպես տեղեկացնում է Past.am-ը, իսպանացի հետազոտողները պարզել են, որ հղիության ընթացքում շաբաթական 3-4 անգամ ձուկ օգտագործող հղիների երեխաների IQ-ն ավելի բարձր է:

Նրանք բացահայտել են նաև, որ այն կարող է երեխայի մոտ նվազեցնել աուտիզմի զարգացման ռիսկերը:

Նրանց հատկապես զարմացրել է այն փաստը, որ ձկան որոշ տեսակներ, որոնց բաղադրության մեջ սնդիկի բարձր պարունակություն կա և որոնք հակացուցված են հղիներին, երեխայի զարգացման համար չափազանց կարևոր են։

Հետազոտության շրջանակում 123 հղի կանանց բաժանել են 2 խմբի. առաջին խումբը շաբաթական առնվազն երկու անգամ յուղոտ ձուկ է կերել, իսկ երկրորդ խումբը՝ ոչ: Կյանքի առաջին տարվա ըթնացքում նրանց երեխաների միջեւ որևէ տարբերություն չկար, բայց ժամանակի ընթացքում տարբերությունն ավելի ակնհայտ է դարձել՝ 2.5 տարեկանում երեխաները, որոնց մայրերը ձուկ են կերել, 5 անգամ ավելի հազվադեպ են հիվանդացել ասթմայով:

Անի Գևորգյան