2016-ին մայրացած և մայրանալ պատրաստվող հայ հայտնիները

Wedding.am-ը գրում է.

Վերջին օրերին հայկական շոուբիզնեսը կարծես թե իսկական baby boom է ապրում: Պարբերաբար նորություններ են հայտնվում այն մասին, որ մեր հայտնի և սիրված աստղերը պատրաստվում են մայրանալ: Այդ գեղեցիկ առիթով, Wedding.am-ը որոշեց այսօր իր ընթերցողներին ներկայացնել 2016-ին մայրացած և մայրանալու պատրաստվող հայ հայտնի կանանց՝ խոստանալով մոտ ապագայում անդրադառնալ նաև հայրիկ դառնալ պատրաստվող հայտնիներին:

Մեր ընտրանիում ընդգրկված հայտնի կանանցից շատերը մայրության բերկրանքը ապրելու են առաջին անգամ, իսկ ոմանք էլ արդեն մեծ պատվով կարող են կրել բազմազավակ մոր տիտղոսը:

Ֆաինա Հարությունյան

Դիզայներ Ֆաինա Հարությունյանի համար 2016-ը ամենամեծ նվերը բերեց՝ նրան պարգևելով իր առաջնեկին՝ դստրիկին:

Իռեն Աբելյան

Դերասանուհին, ով ամուսնությունից հետո տեղափոխվել է Շվեդիա, պատրաստվում է լույս աշխարհ բերել իր առաջնեկին:

Արեւիկ Ալավերդյան

Արևիկը, ով ընդամենը մի քանի օր առաջ տոնում էր իր 30-ամյակը, հայտնել է, որ իր առաջնեկը մոտ օրերս արդեն լույս աշխարհ է գալու:

Հասմիկ Կարապետյան

Երգչուհին, ով վայելում է իր ընտանեկան երջանկությունը, ըստ լրատվամիջոցների տարածած տեղեկությունների, պատրաստվում է մայրանալ, թեև նա դեռևս հերքում է այդ լուրերը:

Արեւիկ Ուդումյան

Հաղորդավարուհի Արևիկ Ուդումյանը 2016-ին առաջին անգամ վայելեց մայրության բերկրանքը՝ իր ամուսնուն՝ իրավաբան Արամ Վարդևանյանին որդի  պարգևելով:

Արփինե Իսրայելյան

Այս տարի որդի ունեցավ նաև դերասանուհի Արփինե Իսրայելյանը:

Մերի Շահինյան

2016-ին առաջին անգամ մայրացավ նաև հեռուստամեկնաբան Մերի Շահինյանը:

Մերի Ներսիսյան

Հաղորդավարուհի Մերի Ներսիսյանը այս տարի իր ամուսնուն՝ ռեժիսոր Գոռ Պետրոսյանին պարգևեց երկրորդ դստրիկին:

Նելլի

2016-ին կրկնակի մայրության բերկրանք ապրեց երգչուհի Նելլին՝ իր ֆուտբոլիստ ամուսնուն պարգևելով երկրորդ դստերը:

Իրինա Հարությունյան

Իրինա Հարությունը ևս այս տարի մայրացավ՝ լույս աշխարհ բերելով իր երկրորդ որդուն:

Էմմի

Երգչուհու երկրորդ հղիության մասին հայտնի դարձավ ընդամենը օրեր առաջ: Իսկ նրա առաջնեկը՝ Դանիելը, ծնվել է 2015 թվականի նոյեմբերին:

Սիրուշո

Երգչուհին այս տարի լույս աշխարհ բերեց իր երկրորդ որդուն՝ Միքայելին, իսկ նրա առաջին որդին՝ Ռոբերտը, ծնվել է 2014-ին: