Յուրաքանչյուր տարի կնոջ օրգանիզմում 3 կգ «քիմիա» առաջանալու պատճառը

Աղջիկները գրեթե չեն պատկերացնում իրենց կյանքն առանց դիմահարդարման, բայց նրանք պետք է հաշվի առնեն մի շատ կարևոր հանգամանք՝ սխալ ընտրված դիմահարդարման միջոցները կարող են վնասել ոչ միայն ձեր մաշկը, այլև օրգանիզմում թույն հավաքել:

 

Ինչպես տեղեկացնում է Past.am-ը, վերջին տարիներին իրականացված գիտական հետազոտությունների արդյունքում մասնագետները պարզել են, որ դիմահարդարման միջոցով կնոջ օրգանիզմում ամեն տարի 3 կգ «քիմիա» է հայտնաբերվում: Գիտական հետազոտության ընթացքում հետազոտողները փորձի միջոցով որոշել են մեկ տարվա ընթացքում կնոջ կողմից օգտագործվող դիմահարդարման միջոցների ընդհանուր քաշը: Կանանց միայն 30%-ն է ուշադրություն դարձնում պահպանման ժամկետին:

 

Գիտնականները զգուշացնում են, որ քիմիական նյութերը, հայտնվելով արյան մեջ, կարող են տարբեր տեսակի խանգարումների պատճառ դառնալ, այսինքն՝ դրանք թողնում են իրենց հետքը: Օրգանիզմի վրա բացասական ազդեցություն են թողնում հատկապես դիմահարդարման էժանագին միջոցները: Եվս մեկ խորհուրդ՝ քնելուց առաջ պարտադիր լվացեք դեմքը:

Մեծ Բրիտանիայում անցկացված հետազոտությունը ցույց է տվել, որ ստվերաներկը, կանանց այլ կոսմետիկ միջոցները իրականում դանդաղ գործող վնաս են պարունակում: Գեղեցիկ սեռի ներկայացուցիչները շպարի պարագաները պահում են շատ երկար ժամանակ՝ հաշվի չառնելով դրանց պիտանելիության ժամկետը, ինչն էլ դառնում է մի շարք թունավոր նյութերի առաջացման պատճառ։

 

Ստվերաներկերն են հիմնականում համարվում վարակի տարածման պատճառ, քանի որ առնչվում են աչքի հետ։ Վտանգի տեսանկյունից 2-րդ տեղում շրթներկն է, իսկ 3-րդում՝ տոնային կրեմը։

Անի Գևորգյան