Չինաստանում է գտնվում աշխարհի ամենաերկարամազ գյուղը

Երկար, խնամված մազերը կանացի գրավչության անբաժանելի մասն են, սակայն Չինասատանի Հուանգլու գյուղի բնակչուհիների համար եկար մազերը դարձել են իրենց գլխավոր առավելությունը, գրում է «Օդիթի սենթրալ»-ը:
 
 82 ընտանիք ունեցող գյուղը դարձել է զբոսաշրջության ակտիվ կենտրոն ոչ միայն գեղեցիկ բնապատկերների և հնագույն, ավանդույթների շնորհիվ, այլև այն հանգամանքով, որ Հուանգլուն համարվում է աշխարհի «ամենաերկարամազ գյուղը»: Այստեղի բոլոր 120 կանայք ունեն 1.7-ից մինչև 2.1 մ երկրությամբ մազեր: Գյուղն արդեն գրանցվել է Գինեսի ռեկորդների գրքում և համապատասխան վկայական ստացել:
 
 Ըստ Հուանգլուում գործող հնագույն ավանդույթի` կանայք պարտավոր էին թաքցնել իրենց շքեղ մազերը բոլորի աչքից` ծածկելով գլուխը կապույտ գլխաշորով: Նրանց մազերը տեսնելու իրավունք ուներ միայն իրենց ընտրյալը` այն էլ ամուսնությունից հետո: Ցանկացած տղամարդ , ով կտեսներ որևէ կնոջ մազերը, ստիպված էր 3 տարի ապրել այդ կնոջ ընտանիքում` որպես խորթ տղա: Սակայն այդ օրենքները չեն կիրառվում 1987թ.-ից ի վեր:

 Գյուղի բնակչուհիներն իրավունք ունեն կտրել իրենց մազերը կյանքի ընթացքում ընդամենը 1 անգամ` 16 տարեկանում: Կտրվելուց հետո մազերը դեն չեն նետվում, այլ հանձնվում են աղջկա տատիկին, ով այն ընտանեկան մասունքի է վերածում` դարձնելով այն գլխազարդ և հանձնելով փեսային:
 
 Իսկ ինչ վերաբերվում է կանանց սանրվածքներին, ապա դրանք տարբեր են և հուշում են կնոջ կարգավիճակի մասին: Օրինակ գլխի շուրջ ուղղակի հավաքած մազերը վկայում են, որ կինն ամուսանցած է, սակայն երեխաներ չունի, եթե ճակատի վերևում մազակապ ունի, ապա կինն ամուսանցած է և երեխաներ ունի, իսկ գլխաշոր կրելու դեպքում` պարզ է, որ նա ամուսին է փնտրում: 
 
 Հուանգլուի բնակչուհիներ բացել են իրենց գեղեցիկ վարսերի գաղտնիքը` պատմելով , որ դրանք լվանում են բրնձի ջրով պատրաստաված հատուկ շամպունով: