5 պատճառ, թե ինչու է սուրճ խմելն օգտակար

1. Սուրճը կանխարգելում է հիվանդությունները 

Հարվարդում անցկացված հետազոտությունները ցույց են տվել, որ օրական 1-3 բաժակ սուրճը նույնիսկ օգտակար է առողջության համար, որովհետեւ նման չափաբաժինը զգալիորեն նվազեցնում է դիաբետով հիվանդանալու ռիսկը: Եթե խմենք օրական մինչեւ վեց բաժակ, դա հիվանդացման ռիսկն էլ ավելի կնվազեցնի: Բայց ո՞վ նման քայլի կդիմի: Հետո էլ, սուրճի օգտագործումը 80 տոկոսով նվազեցնում է Պարկինսոնի հիվանդությամբ հիվանդացման ռիսկը եւ 25 տոկոսով` քաղցկեղով հիվանդացման: Կանայք, որոնք օրական չորս եւ ավելի բաժակ սուրճ են խմում, 40 տոկոսով նվազեցնում են կրծքի քաղցկեղով հիվանդանալու հավանականությունը: Սարսափելի հիվանդություններ են, ճի՞շտ է: Իսկ սուրճը դրանց համեմատ բոլորովին էլ սարսափելի չէ:

2. Սուրճը քեզ օգնում է ավելի արդյունավետորեն մարզվել

Մարմնամարզություն անելուց կամ մարզասրահ գնալուց առաջ, մի բաժակ սուրճ խմիր: Այն բառացիորեն մի քանի րոպեում կբարձրացնի էնդորֆինի մակարդակը: Էնդորֆինները կբարձրացնեն տրամադրությունդ եւ քեզ առույգությամբ կլիցքավորեն առաջիկա վարժությունների համար` դրանով մեծացնելով մարզման արդյունավետությունը եւ շարունակականությունը: Ավելի լավ արդյունքնե՞ր ես ուզում, սուրճ խմիր սպորտով զբաղվելուց առաջ:

3 . Սուրճն օգտակար է առողջության համար

Մի բաժակ սուրճը հազարավոր տարբեր հակաօքսիդանտներ է պարունակում: Դրանք կարեւոր են առողջության համար, որովհետեւ նվազեցնում են անոթների բորբոքումը եւ օրգանիզմից հանում են տոքսինները, որոնք նաեւ քաղցկեղ են առաջացնում: Հետո էլ` հակաօքսիդանտները չեզոքացնում են ազատ ռադիկալները, որոնք քաշի կուտակման են հանգեցնում: Որքան ավելի շատ հակաօքսիդանտներ ես օգտագործում, այնքան ավելի լավ ես զգում քեզ եւ լավ տեսք ես ունենում:

4. Սուրճը մեծացնում է կյանքի տեւողությունը

Քաղցկեղի ամերիկյան ազգային ինստիտուտի հետազոտությունները պարզել են, որ այն մարդիկ, որոնք կանոնավորապես սուրճ են խմում, ավելի երկար են ապրում, քան նրանք, ովքեր չեն խմում: Այնքան էլ հասկանալի չէ, թե ինչպես է ստացվել դա, բայց գիտնականները հակված են այդ ամենը վերագրել ըմպելիքում պարունակվող հակաօքսիդանտներին (նայիր նախորդ կետը):
Բացի այդ, սուրճը նվազեցնում է սննդի ինքնաբուխ եւ անտեղի ընդունումները եւ բարելավում է ֆիզիկական վարժությունների ազդեցությունը (նայիր 2-րդ կետը): Սուրճ խմելու սովորությունը հաջողությամբ փոխարինում է ծխելու սովորությանը, ընդ որում այն անհամեմատ ավելի առողջ է, իսկ դա եւս ազդում է կյանքի տեւողության վրա:

5. Սուրճը քեզ ավելի խելացի է դարձնում

Սուրճը ոչ միայն արթնացնում է, այլեւ ստիպում է մտածել. հարցն այն է, որ սուրճի գլխավոր բաղադրիչը` կոֆեինը, բնական խթանիչ է: Ժամանակակից աշխարհում դա առավել լայնորեն օգտագործվող հոգեակտիվ բաղադրիչն է: Կոֆեինը արգելափակում է ադենոզին անունով արգելակիչ նեյրոմոդերատորի ազդեցությունը, ինչն ի վերջո ամրապնդում է կապերը գլխուղեղի նեյրոնների միջեւ եւ այլ տեսակի նեյրոմոդերատորների արտադրության պատճառ է դառնում: Այդ ամենը հանգեցնում է խթանիչ ազդեցության եւ դրականորեն է ազդում ուղեղի եւ տրամադրության վրա: 
Սուրճի կանոնավոր օգտագործումը կարող է օգնել նաեւ հաղթահարել հուզական խնդիրները եւ բարելավել մտածողական կարողությունները: Հետազոտությունները ցույց են տալիս, որ սուրճը բարելավում է մտածողական կարողությունները եւ խնդիրների լուծման հմտությունները: