Համազգային Լիբանանի շրջանի վարչությունները քննարկել են առաջիկա ծրագրերը

«Լևոն Շանթ» մշակութային կենտրոնում տեղի է ունեցել Համազգային Լիբանանի շրջանի միավորների վարչությունների և գեղարվեստական ղեկավարների միջվարչական հանդիպումը: Այս մասին տեղեկացնում է Լիբանանում «Արմենպրես»-ի թղթակիցը: Ներկայացնում ենք հոդվածն ամբողջությամբ:

«Կազմակերպութեամբ Համազգայինի Լիբանանի Շրջանային վարչութեան Չորեքշաբթի, 16 նոյեմբեր 2016-ին, երեկոյեան ժամը 7:30-ին, «Լեւոն Շանթ» մշակութային կեդրոնին մէջ տեղի ունեցաւ Համազգայինի Լիբանանի շրջանի միաւորներու վարչութիւններու, որոնց կարգին` «Քնար» պարախումբի, «Գ. Իփէկեան» թատերախումբի, «Գուսան», «Այգ», «Կարկաչ» երգչախումբերու, Համազգայինի Շաբաթօրեայ դպրոցի, «Լեւոն Շանթ» եւ «Ժ. եւ Ց. Խաչատուրեան» կեդրոններու տնօրէնութեան, պաշտօնէութեան, խնամակալութեան (վերջինիս գործունէութեան ծիրին մէջ կ՛իյ նան «Բ. Կանաչեան» երաժշտական քոլեճը, «Գայեանէ» պարի դպրոցը, «Թ. Ռոսլին» ակադեմիան եւ «Արեգ» թատերական դպրոցը) եւ գեղարուեստի ղեկավարներու միջվարչական ծանօթացման հանդիպում մը,  որուն ներկայ եղան 60-է աւելի անդամներ:

Հանդիպումին նպատակն էր 2016-2017 տարեշրջանի աշխատանքներուն եւ ծրագիրներուն ներկայացումը, Լիբանանի շրջանին վերաբերող կանոնագրային կարգ մը կէտերու բարեփոխումներուն ու ներկայ պայմաններուն պատշաճեցման աշխատանքին մասին ամփոփ զեկուցումը, ինչպէս նաեւ ամավերջի համերգներու եւ ելոյթներու համակարգումը:

Բացման խօսքով հանդէս եկաւ Շրջանային վարչութեան ատենապետ Պետիկ Ծառուկեան, որ իր ուրախութիւնը եւ շնորհակալութիւնը յայտնեց ներկաներուն, որոնք ընդառաջեցին հրաւէրին եւ գրեթէ իրենց վարչութիւններուն լրիւ կազմերով ներկայ եղան այս հանդիպումին: Ապա ան ներկայացուց միութեան ծրագիրներն ու կատարուելիք աշխատանքները, ինչպէս նաեւ անդրադարձաւ կազմակերպական եւ այլ դժուարութիւններու:

Ապա առիթ տրուեցաւ գեղարուեստի դպրոցներու տնօրէններուն, ղեկավարներուն եւ պաշտօնէութեան, ինչպէս նաեւ խնամակալութեան եւ միաւորներու վարչութիւններու ատենապետներուն պարզելու իրենց տարեկան ծրագիրներն ու ընկերաբար զրուցելու այլեւայլ հարցերու շուրջ:

Աւարտին, Համազգայինի Կեդրոնական վարչութեան ներկայացուցիչ Վարանդ Ալեքսանտրեան ուղղեց իր սրտի խօսքը` գնահատելով բոլոր վարչութիւնները, որոնք իրենց դաստիարակչական, մանկավարժական, կրթական փորձառութիւնները կը ծառայեցնեն հայապահպանութեան այս դժուար գործին` մաղթելով համագործակցութիւն եւ յաջողութիւն:

Շրջանային վարչութիւնը, իր կարգին, բարի աշխատանքային տարեշրջան մաղթեց իր բոլոր միաւորներուն, որոնց կամաւոր եւ անձնուէր ներդրումին շնորհիւ Համազգայինը կը շարունակէ իր երթը»: