Սխալներ, որոնք շատ թանկ են արժեցել

Երբեմն մարդ կարող է ճամփորդության սխալ տոմս պատվիրել կամ պատահաբար ուղևորվել ոչ այն վայրը, որտեղ ցանկանում էր: Այդ սխալների ուղղման համար պետք է հավելյալ գումար ծախսել:

Ինչպիսի սխալներ էլ արած լինեք, ամենաբարկացնողը հավելյալ ծախսն է: Կան մարդիկ, ովքեր ամեն ինչ են կորցրել այդպիսի սխալների պատճառով:

8. Ջեյմս Հաուելը (James Howell) դեն է նետել բիթքոինները:

2009թ.-ին Ջեյմս Հաուելը հավաքել էր 7500 բիթքոին, որոնք այդ ընթացքում գրեթե ոչ մի արժեք չունեին, իսկ արդեն 2013թ.-ին այդ չափի վիրտուալ արժույթը մոտ 6 մլն դոլար կարժենար, իսկ Հաուելը դեն էր նետել այն կոշտ սկավառակի հետ, որի վրա դրանք պահվում էին:

7. Ռոնալդ Ուեինը վաճառել էր Apple-ի իր արժեթղթերը

Ռոնալդ Ուեինը ինչ-որ ժամանակ աշխատել է Սթիվ Ջոբսի հետ՝ Atari-ում: Apple-ում նա ոչ միայն կարևոր գործընկեր է եղել, այլև մեծ դեր է խաղացել հենց սկզբում՝ ստեղծելով ընկերության տարբերանշանը: Բայց նա վաճառեց ընկերությունում ունեցած 10% բաժնետոմսերը՝ սկզբում վերցնելով 800 դոլար, իսկ տարվա ընթացքում ստանալով ևս 1500 դոլար: Եթե նա չվաճառեր իր բաժնետոմսերը, ապա 2011թ.-ին նրա հաշվին կլիներ 35 մլրդ դոլար:

6. Fox-ը թույլ է տվել «Աստղային պատերազմների» հերոսների կերպարներով արտադրանք թողարկել

20th Century Fox-ը Ջորջ Լուկասին տվեց «Աստղային պատերազմներ» ֆիլմի բրենդի արտոնագիրը՝ համարելով, որ ֆիլմը տապալված է լինելու: Բայց այն գերհիթ դարձավ և մեծ գումար բերեց գրքերի, խաղալիքների և տեսախաղերի վաճառքից: Այն վաստակեց մոտավորապես 20 մլրդ դոլար, որից կինոընկերությունը ոչինչ չստացավ:

5. Պայթյուն Փայփեր Ալֆա նավթարդյունաբերական հարթակի վրա

Նավթարդյունաբերական հարթակի վրա պայթյունը տեղի է ունեցել մի շարք սխալների պատճառով: 1988թ.-ին այն պետք է վերանորոգվեր, սակայն օպերատորը որոշել էր, որ պետք է շարունակել արդյունաբերությունը: Պայթյունի հետևանքով ընկերությունը կորցրեց 1.4 մլրդ դոլարի ապահովագրություն, մի քանի միլիոն դոլարի փոխհատուցում և ամենակարևորը՝ զոհվեցին 167 աշխատակիցներ:

4. NASA-ն Մարսի վրա կորցրել է զոնդը մաթեմատիկական սխալի պատճառով

NASA-ն կորցրել է 125 մլն դոլար և մի քանի տարվա աշխատանքը՝ մաթեմատիկական սխալ հաշվարկի պատճառով:

3. Հաուի Հաբլերի առևտրական կորուստը

Հաուի Հաբլերը աշխատել է Morgan Stanley բանկում: Նա որոշել էր, որ ԱՄՆ-ում անշարժ գույքի գները կաճեն 2006թ.-ից հետո, բայց տնտեսական ճգնաժամից հետո՝ 2007թ.-ի կեսերին, ԱՄՆ-ում անշարժ գույքի գներն ավելի նվազեցին: Հաբլերի սխալի հետևանքով բանկը կորցրեց 9 մլրդ դոլար, և նա մեղավոր է եղել բոլոր այն կորուստների համար, որոնք բանկն այդ տարի ունեցել է:

2. Վիճակախաղի կորսված տոմս

Մեծ Բրիտանիայում զույգը սարսափելի սխալ է թույլ տվել, երբ կինը ճիշտ թվեր էր ընտրել Euro Millions Lottery վիճակախաղում: Հաղթող տոմսի շահումը կազմելու էր մոտ 181 մլն դոլար, որն այնպիսի գումար էր, որ կարող էր փոխել կյանքը: Ցավոք, ամուսինը առանց իմանալու շահումի մասին՝ դեն էր նետել շահած վիճակախաղի տոմսը:

1. AOL ընկերությունը գնեց Time Warner ընկերությունը

2000թ.-ին AOL ընկերությունը գնել էր Time Warner ընկերությանը՝ մեկ արժեթղթի դիմաց վճարելով 164 դոլար, չնայած վերլուծաբանների մեծամասնությունը այն գնահատել էր ընդամենը 100-110 մլն դոլար: 2009թ.-ին այդ ընկերությունները անջատվել էին միմյանցից՝ առանձին աշխատելու համար: Այդ ընթացքում AOL-ի արժեքը կազմել է 1.8 մլրդ դոլար, իսկ Time Warner-ինը՝ 40 մլրդ: Ի սկզբանե նրանց միաձուլումը մեծ սխալ էր: