Հայաստանից ապաստան խնդրողների թիվը կտրուկ նվազել է. 9 ամսում դիմել է ընդամենը 72 անձ

Այս տարվա առաջին 9 ամիսներին ապաստան ստանալու խնդրանքով Հայաստանի պատկան մարմիններին է դիմել 72 անձ։ Այս մասին տեղեկանում են Միգրացիոն պետական ծառայության կայքից։

Ապաստան ստանալու խնդրանքով դիմել է 1–ական քաղաքացի Բահրեյնից, Բենինից, Կամերունից, 2–ը՝ Թուրքիայից, 15–ն՝ Իրանից, 9–ը՝ Իրաքից, 3–ը՝ Ուկրաինայից։ Ամենաշատը դիմել են Սիրիայից՝ 38 քաղաքացի։

Նշենք, որ նրանցից միայն 26–ն է փախստականի կարգավիճակ ստացել։

Ի դեպ, ապաստան խնդրողների թիվը կտրուկ նվազել է. նախորդ տարում ապաստանի համար դիմել էր 3 հարյուր 16 անձ, նրանցից 104–ը՝ Սիրիայից։