Խորհուրդներ աչքերի ամենօրյա խնամքի համար

Պահպանեք ձեր առողջ տեսողությունը

Առավոտյան արթնանալուց հետո՝ մինչև երեկոյան քնելը դուք ձեր հույսը դնում եք ձեր տեսողության վրա: Բայց արդյո՞ք դուք իսկապես խնամում եք ձեր աչքերն այնպես, ինչպիսի խնամքի նրանք արժանի են: Past.am-ը ներկայացնում է խորհուրդներ ՝ աչքերի ամենօրյա խնամքի համար:

Պետք է կոնտակտային ոսպնյակների ճիշտ խնամքն ապահովել

Լինզան, ի տարբերություն ակնոցի, հատուկ խնամք է պահանջում: Որպես կանոն՝ լինզան քնելուց առաջ հարկավոր է հանել: Լինզայով արգելվում է լողալ կամ լոգանք ընդունել. ջրի կաթիլներն ընկնելով լինզայի արտաքին շերտի վրա՝ կվնասեն այն և կգրգռեն աչքը: Չի կարելի կրել լինզա հատկապես այն ժամանակ, երբ աչքերն անընդհատ արցունքոտվում են: Այդ դեպքերում ևս լինզան գրգռում է աչքը, ինչը կարող է առաջացնել լուրջ բարդություններ: Աչքի խնձորակի կարմրությունը, աչքերի առաջ մշուշվելը լինզայի վնասվածության առաջին նշաններն են: Աչքի կոսմետիկա պետք է գործածել միայն լինզաները հագնելուց հետո:

Չի կարելի աչքերը տրորել

Անկախ նրանից, թե դուք շփում ունենում եք թե ոչ, աշխատեք զերծ մնալ ձեռքերով աչքերի շփումից: «Երբեմն ձեր աչքերը քոր են գալիս և աչքերը տրորելու ցանկություն է առաջանում: Նման դեպքերում մասնագետները խորհուրդ են տալիս փակել աչքերը և հետո տրորել: Աչքերը բաց տրորելը կարող է հանգեցնել աչքի մեջ արյան զեղումների և աչքերի բորբոքման:

Դուք օր ու գիշեր օգտվում եք համակարգչից և հեռախոսից

Համակարգիչների, պլանշետների եւ սմարթֆոնների էլեկտրոնային էկրանները արտադրում են կապույտ լույս, որը աչքի բժիշկների կարծիքով վնասակար է, քանի որ այն հավասար է արևի ուլտրամանուշակագույն ճառագայթներինՄասնագետները պնդում են, որ երկար ժամանակ դրանցից օգտվելը կարող է առաջացնել աչքի լարվածություն և գլխացավ:

Քնելուց առաջ մաքրեք դիմահարդարումը

Դիմահարդարումն առանց հեռացնելու քնելը ոչ միայն հանգեցնում է բարձի վրա կեղտոտ բծերի, այլ նաև կարող է լուրջ վնաս հասցնել աչքերին: Այն կարող է բորբոքել աչքերը, վնասել աչքերի կոպերը, հանգեցնել աչքերի շուրջն ընկած մաշկի գրգռվածության: Արհեստական թարթիչները կարող են լուրջ վնաս հասցնել աչքի եղջերաթաղանթին:

Նյութը հրապարակման պատրաստեց Past.am-ը: