Իրեր, որոնք ավելի կեղտոտ են, քան զուգարանակոնքը (լուսակարներ)

Շատերի կարծիքով զուգարանակոնքը  տան «ամենակեղտոտ» հատվածն է։ Իրականում կան այնպիսի իրեր ու մակերևույթներ տան մեջ, որոնք, ենթադրվում է, թե մաքուր են, սակայն զարմանալիորեն զուգարանակոնքերից ավելի աղտոտ են և բակտերիաներով լի, գրում է list25.com-ը։

Սառույց
ԱՄՆ-ում արագ սննդի կետերի հետազոտությունները ցույց են տվել, որ սննդի կետերում մատուցված սառույցը 70%-ով ավելի բակտերիաներ է պարունակում, քան զուգարանակոնքում առկա ջուրը։
 

Լոգարանի հատակ
Այնքան էլ անսպասելի չէ իմանալ, թե լոգարանի հատակը հարուստ է բակտերիաներով, սակայն այն, որ դրա 6.5 սանտիմետր քառակուսի մակերեսին կա 2 միլիոն բակտերիա, իսկապես զարմանալի է։ Զուգարանակոնքի 6.5 սմ քառակուսու վրա կա միայն 50 բակտերիա:
 

Աշխատանքային սեղան
Աշխատավայրում գտնվող աշխատասեղանի վրա 400 անգամ ավելի բակտերիաներ կան, քան զուգարանակոնքի վրա։

Ստեղնաշար
Համակարգչի ստեղնաշարի վրա 200 անգամ ավելի շատ բակտերիա կա, քան զուգարանակոնքի։

Բջջային հեռախոս
Մեր բջջային հեռախոսների վրա կա 10 անգամ ավելի շատ բակտերիա, քան զուգարանակոնքի, քանի որ մենք դրանց դիպչում ենք օրվա մեջ բազմաթիվ անգամ։ Մենք լվանում ենք մեր ձեռքերը, իսկ քանի՞ անգամ ենք «լվանում» բջջայինները։

Ռեստորանի մենյու
Սովորաբար ռեստորանի մենյուն ձեզանից առաջ շատերն են ընթերցել և դիպչել, իսկ մենյուները ոչ ոք չի մաքրում կամ մանրէազերծում։ Դրանք պարունակում են 100 անգամ ավելի բակտերիաներ։

Խոհանոցային տախտակ
Այո, այստեղ դուք կտրում եք բանջարեղեն և մրգեր, սակայն տախտակը ավելի շատ բակտերիաներ է պարունակում, քան զուգարանակոնքը։ Մասնագետները նշում են, որ հիմնականում ժամանակի ընթացքում կեղտ է կուտակվում փայտի մանր ճեղքերում, իսկ, օրինակ, հում միսը մեծ քանակությամբ մանրէներ է պարունակում, որոնք դիպչելով տախտակին՝ մնում են դրա վրա և մինչև այն լավ չեռացվի չմանրէազերծվի։

Գորգ
Գորգերի 6.5 քառակուսի սմ-ի վրա ավելի քան 200.000 բակտերիաներով, համարվում են 4.000 անգամ ավելի կեղտոտ, քան զուգարանակոնքերը։
 

Սառնարան
Սառնարանների լաբորատոր փորձաքննությունից հետո մեծ մասի մոտ հայտնաբերվել է աղիքային ցուպիկ, դիզենթերիայի հարուցիչներ կամ այլ աղիքային հիվանդություններ առաջացնող մանրէներ։
 

Բարձ
Ժամանակի ընթացքում մաշկի մահացած բջիջները և փոշին հավաքվում են բարձերի մեջ, որոնք դառնում են մանրէների գնդեր ձեր գլխի տակ։

Փող

Զարմանալի չէ, պարզել, որ փողի վրա ավելի շատ են մանրէները, քան զուգարանակոնքի վրա։
 

Ցնցուղի գլխիկ
Որքան էլ մտածեք, որ լողանալով մաքրվում եք, իրականում ցնցուղի գլխիկի վրա և լոգարանի մեջ մանրէները զուգարանակոնքից շատ են:
 

Պայուսակներ, դրամապանակներ
Ուր որ դուք գնում եք, ձեզ հետևում են պայուսակներն ու դրամապանակները՝ հավաքելով իրենց վրա բազմաթիվ մանրէներ։
 

Իսկ այն հարցին, թե ինչպես պատահեց, որ վերոնշյալ իրերն այդքան կեղտոտ էին, քան զուգարանակոնքը, պատասխանը պարզ է. մարդիկ մշտապես մտածում են, թե զուգարանը կեղտոտ է և մաքրում են հաճախակի, ի տարբերություն այլ իրերի, որոնց մաքրման միտք անգամ չի առաջանում։

Իսկ զուգարանակոնքը մարդիկ մաքրում են բազմապիսի թթուներ և քլոր պարունակող միջոցներով։