Սրանց ինչպե՞ս բացատրես, որ այնքան լավ չեն աշխատել, որ բիզնես դասով թռչեն
ԲԼՈԳԿարեն Համբարձումյանը ֆեյսբուքյան իր էջում գրում է.
Ֆիննախ Վարդան Արամյանը Նյու Յորք թռչելու և վերադարձի տոմսի վրա պետական բյուջեից ծախսել է 2 միլիոն 743 հազար դրամ կամ ավելի քան 5 հազար 500 դոլար: Այո՛, մեր՝ դեռևս իրեն որևէ դրական գործով ցույց չտված նախարարը կարծում է, թե ինքն այնքան լավն է կամ այնքան վաստակ ունի, որ կարող է բիզնես դասով թռչել։
Լավ, հիմա այս պաշտոնյաներին ինչպե՞ս բացատրես, որ բիզնես դասով ուղևորություններ կազմակերպելու համար անհրաժեշտ է շատ լավ աշխատել, արդյունավետ վերահսկել հարկատուների փողերը, կարգավորել երկրի ֆինանսական համակարգը, հետո նոր մտածել՝ կարելի՞ է արդյոք նման թանկ ուղևորություններ իրականացնել։ Ինչու՞ այս վատ աշխատող նախարարները, երբ արդեն տևական ժամանակ է՝ պաշտոն են զբաղեցնում, բայց նույնիսկ տարրական բարեփոխումների տեսլական չունեն, իրենց այդքան բարձրաշխարհիկ են կարծում կամ իրենց սուտ փուչ ուղևորություններին այդքան կարևոր և գործնական բնույթ տալիս, երբ նույնիսկ այդ գործուղումների արդյունքը չկա ու չի երևում։
Իջեք երկնքից և ձեր անկարևոր գործուղումներին էկոնոմ դասով գնացեք, հատկապես որ ոչնչով լավը չեք իրենց արդար աշխատանքով ապրող և էկոնոմ դասով թռչող ուղևորներից։