Բուրջ Համուդում ամանորյա տոնավաճառ է բացվել

 Բեյրութի Բուրջ Համուդ հայաշատ թաղամասում Հայ տարեցների տան կանանց օժանդակությամբ բացվել է ամանորյա տոնավաճառ, որը կրում է «Ուրախացիր, ուրախացրու» խորագիրը: Այս մասին տեղեկացնում է Լիբանանում «Արմենպրես»-ի թղթակիցը: Ներկայացնում ենք հոդվածն ամբողջությամբ:

«Հովանաւորութեամբ Պուրճ Համուտի քաղաքապետութեան, կազմակերպութեամբ ՔԱՀԼ-ի Հայ տարեցներու տան տիկնանց օժանդակ յանձնախումբին, յաջորդաբար 3-րդ տարին ըլլալով ուրբաթ, 25 եւ շաբաթ, 26 նոյեմբերին հաստատութեան սրահին մէջ տեղի ունեցաւ «Ուրախացի՛ր, ուրախացո՛ւր» տօնավաճառը:

Հոծ բազմութեան ներկայութեամբ տեղի ունեցած տօնավաճառին պաշտօնական բացումը կատարեց Պուրճ Համուտի քաղաքապետ Մարտիկ Պօղոսեան, որմէ ետք խօսք առաւ ՔԱՀԼ-ի տնօրէն պատ. Սեպուհ Թերզեան: Ան անդրադարձաւ տարեցներուն նկատմամբ ցուցաբերուած խնամքին, գուրգուրանքին ու հոգատարութեան եւ շնորհակալութիւն յայտնեց ներկաներուն իրենց աջակցութեան, հետաքրքրութեան եւ անոնց նկատմամբ հոգատարութեան համար: Պատ. Ս. Թերզեան շնորհակալական խօսք ուղղեց նաեւ Պուրճ Համուտի քաղաքապետութեան, որ ամէն առիթով նեցուկ կը կանգնի ՔԱՀԼ-ի Հայ տարեցներու տան զանազան գործունէութեանց: Վեր. Սողոմոն Քիլաղպեանի փառաբանութեան աղօթքէն ետք բացուեցաւ տօնավաճառը, ուր ներկայացուած էին ուտելիքներու տեսականի մը, Նոր տարուան զարդեղէններ, կողովներ, գինիներ եւ այլն:

ՔԱՀԼ-ի Հայ տարեցներու տան տիկնանց օժանդակ յանձնախումբի անդամ Շաքէ Գարայեան «Ազդակ»-ի հետ ունեցած զրոյցին ընթացքին բացատրեց, թէ սոյն տօնավաճառը ծնունդ առաւ «Ծիրանի» խոհանոցի հաստատուելէն ետք, որ ուտելիքներու հարուստ տեսականի մը ունի եւ հանրութեան կողմէ լաւ ընդունելութիւն գտած է: Շ. Գարայեան նկատել տուաւ, որ «Ծիրանի» խոհանոցը հաստատուեցաւ, որպէսզի օգտակար դառնայ ՔԱՀԼ-ի զանազան ծախսերուն: Առ այդ, տօնավաճառին ընթացքին հանրութիւնը կը ծանօթանայ «Ծիրանի»-ի արտադրութիւններուն: Ան ըսաւ, որ սոյն տօնավաճառը նաեւ «ՕփըՀաուս» մըն է, եւ այցելուները կրնան  բարձրանալ տարեցներուն մօտ եւ անոնց հետ ժամանակ անցընել, իրենց սէրը արտայայտել` յոյս ներշնչելով իւրաքանչիւրին»: