Շիրակի մարզի համայնքները կազմում են զարգացման հնգամյա ծրագրերը

Շիրակի մարզի համայնքները կազմում են զարգացման հնգամյա ծրագրերը: Այս ծրագիրն այն հիմնական փաստաթուղթն է, որով առաջնորդվելու է համայնքն առաջիկա հինգ տարին:

Ինչպես տեղեկացնում է«Արմենպրես»-ը՝ ոչ բոլոր համայնքներն են մարզի հնգամյա ծրագիր կազմելու. ըստ օրենքի՝ դրանք այն համայնքներն են, որտեղ վերջերս են անցկացվել ՏԻՄ ընտրություններ՝ որոնք 54-ն են, 2-ը՝ Գյումրին ու Արթիկը քաղաքային, մյուսները գյուղական համայնքներ են: Մարզի մնացած համայնքները դեռ առաջնորդվելու են իրենց զարգացման քառամյա ծրագրերով:

Համայնքների գործունեության ու զարգացման համար այս ծրագրերն անչափ կարևորում է Շիրակիմարզպետ Հովսեփ Սիմոնյանը՝ «Արմենպրես»-ին փաստելով, որ այդ ծրագրերը պետք է իրատեսական լինեն: «Գտնում եմ, որ անհատները, շահագրգիռ կազմակերպությունները պետք է ավելի ակտիվ լինեն և դա միայն համայնքի ղեկավարի ուսերին չգցեն: Համայնքների մեջ Գյումրին փորձեց բավական թափանցիկ ու հրապարակային քննարկումներ կազմակերպել: Կարծում եմ, սա այն կարևոր փաստաթուղթն է, որ անկախ նրանից տվյալ համայնքի ղեկավարին  կամ մարզպե տին «սիրում են» կամ «չեն սիրում», պետք է ակտիվ մասնակցություն ունենան: Իսկ մարզի զարգացման ծրագրի մեջ կներառվեն հենց համայնքների զարգացման ուղղություններն ու խնդիրները»,-նշեց Հովսեփ Սիմոնյանը:

Համայնքներն իրենց հնգամյա ծրագրերը պետք է ներկայացնեն մինչև տարեվերջ:

Արմենուհի Մխոյան