«Ավգյան ախոռները» պետք է մաքրել
ԲԼՈԳԱնահիտ Ամատունին ֆեյսբուքյան իր էջում գրում է.
«Ավգյան ախոռները» պետք է մաքրել
ՀՀԿ համագումարում Սերժ Սարգսյանը հայտարարեց, թե նոր Սահմանադրությամբ էապես բարձրանում է կուսակցությունների դերը մեր հասարակական-քաղաքական կյանքում: Այսուհետ ինքնաբերաբար անհետանալու են մարդ-կուսակցությունները կամ ակումբ-կուսակցությունները: Քաղաքական կուսակցությունների հիմնական ձևավորող և շարժիչ ուժը պետք է լինեն գաղափարակից համախոհները:
Այս հայտարարությունը հետաքրքրական է այն առումով, որ ՀՀԿ-ի «պոչին» ևս մշտապես մարդ-կուսակցություններ են շարված: Այս հայտարարությամբ, Սերժ Սարգսյանը վերջիններիս հասկացնում է, որ կամ նրանց հետ այլևս ճանապարհ անցնելու չկա կամ նշում, որ շանս դեռ ունեն, սակայն դա կլինի ինքնալուծարման ու ՀՀԿ-ին միանալու դեպքում:
Սկզբունքորեն այս թեզն ինձ բավարարում է, եթե իհարկե խոստումը պահպանվի, որովհետև տհաճ է միացնել հեռուստացույցը ու անընդհատ բաբուբախանյանա-գեղամայանա-խոսրով հարությունախառը մարդի տեսնել:
Մյուս կողմից, այդպիսին պերսոնների ՀՀԿ-ի շարքերում էլ քիչ չեն, եթե մաքրել, աա մաքրել ամբողջությամբ, հակառակ դեպքում տապալումն անխուսափելի կլինի: