Ինչպե՞ս կանխել իմունիտետի թուլացումը

Ձմռանը օրգանիզմը թուլանում է և դառնում տարբեր հիվանդությունների համար հեշտ խոցելի: Իմունիտետը թուլանում է արևի և վիտամինների պակասից: Բժիշկները խորհուրդ են տալիս օգտագործել մի շարք մթերքներ, որոնք կօգնեն ամուր պահել իմունիտետը:

Գազար: Պարունակում է մեծ քանակությամբ վիտամին A, օրգանիզմից  դուրս է հանում վնասակար նյութերը, դրական է ազդում տեսողության, մաշկի, մազերի, եղունգների վրա, ամրացնում է իմունիտետը:

Կարտոֆիլ: Օգտակար է այն մարդկանց, ովքեր ունեն ստամոքսի խոց: Երակների համար օգտակար են կարտոֆիլի վարդագույն տեսակները:
Թարմ կարտոֆիլը շատ լավ է օգնում գլխացավին՝ դրա համար հարկավոր է քներակներին դնել կարտոֆիլի բարակ շերտ և այդպես պահել որոշ ժամանակ:

Կաղամբ: Պարունակում է հազվադեպ հանդիպող վիտամիններ, որոնց ազդեցության տակ օրգանիզմի բջիջները սկսում են ավելի արագ վերականգնվել:

Լոլիկ: Կանխարգելում է քաղցկեղը, կաթվածը: Գիտնականները ապացուցել են, որ լոլիկի օգտակարությունը կրկնապատկվում է, եթե այն օգտագործեք եփած վիճակում:

Սոխ և սխտոր: Երկուսն էլ ունեն մանրէասպան հատկություն: Առավել օգտակար է աշնանը գրիպի համաճարակների ժամանակ:

Քաղցր պղպեղ: Վիտամին C-ի պարունակությամբ գերազանցում է կիտրոնին և սև հաղարջին: Խորհուրդ է տրվում օգտագործել արյան ցածր ճնշման, սրտի և լյարդի հիվանդությունների ժամանակ:

 Նյութը հրապարակման պատրաստեց Past.am-ը: