«Շատ ուրախ եմ, որ «ուժեղ» երգը գտավ «ուժեղ» երգչուհուն». Կոնստանտին Գուբինն իր և Սոնայի համագործակցության մասին

Tert.am-ը գրում է.

Երգչուհի Սոնան ժամեր հետո կներկայացնի իր և կոմպոզիտոր Կոնստանտին Գուբինի համատեղ աշխատանքը՝ «Самые родные люди» երգը: Փառատոններում բազմիցս անգամ «Տարվա լավագույն երգ» անվանակարգում հաղթած Կոնստանտինն աշխատել է մի շարք հայտնի արտիստների հետ, ինչպիսիք են Ս. Պավլիաշվիլին, Ի. Ալեգրովան, Լ. Լեշչենկոն, Ժասմինը, Ս. Միխայլովը, Ս. Պեխան, Զառան և շատ ուրիշներ:

 Tert.am Life-ը Կոնստանտինի և Սոնայի հետ զրուցել է իրենց առաջին համագործակցության և երգի մասին:

 Կոմպոզիտորը նշեց, որ երգը վաղուց է գրել. «Երգը երկար ժամանակ է փնտրում էր իր հասցեատիրոջը և, վերջապես, գտավ նրան: Ես շատ ուրախ եմ, որ «ուժեղ» երգը գտավ «ուժեղ» երգչուհուն: Ամեն ինչ համահունչ է: Երբ առաջին անգամ լսեցի երգը հուզվեցի և փշաքաղվեցի»:

 Կոնստանիտինը Սոնայի ձայնով պարզապես հիացած է:

 «Սոնան ինձ համար իսկական ադամանդ է, որն արդեն իսկ հղկված է ու շատ թանկ:  «Самые родные люди» երգի օգնությամբ մենք հանրությանը հնարավորինս մոտեցնում ենք այդ հարստությանը: Ցանկանում եմ, որ իր երկրպագուների շարքրեը միշտ համալրվի: Շատ ուրախ եմ, որ իր պատմության մեջ ես էլ կամ»,- նշեց կոմպոզիտորը:

 Վերջինիս կարծիքով՝ արտիստը պետք է թե՛ բեմում և թե՛ կյանքում լինի ազնիվ և անկեղծ:

 «Եթե արվեստագետը չունի այդ հատկանիշները, հանդիսատեսը շատ շուտ կմոռանա նրան, իսկ ինձ համար նման կեղծավոր մարդիկ դառնում են անհետաքրքիր»,- ասաց Կոնստանտինը:

 Իսկ Սոնան վերջում եզրափակեց. «Շնորհակալ եմ այս երգի ու երաժշտության համար, որը կարողացավ բացահայտել մի նոր դեմք: Այս երգը ներքուստ հուզել է ինձ: Երգի խոսքերը լիարժեք բացահայտում է իմ վերաբերմունքը: Սա որոշակիորեն խոստովանություն է, որ չնայած հեռավորությանը, մտերիմ մարդիկ միշտ մնում են հարազատ»: