«Ես մենեջեր եմ, լավ մենեջեր եմ, կրիզիս մենեջեր եմ». Վահե Հակոբյան

«Ես Սյունիքի նախկին մարզպետի հետ ունեմ նորմալ հարաբերություններ, շփվում ենք տարբեր ձևերով առիթի դեպքում և՛ հեռախոսազանգով, և՛ անձնական շփումներով»,– նման կերպ արձագանքեց Սյունիքի ներկայիս մարզպետը մեր այն հարցին, թե ինչ հարաբերությունների մեջ է նախկին մարզպետի հետ:

Ինչ վերաբերում է այն տեղեկություններին, որ մարզպետարանի հրահանգով գյուղապետերը վարկեր են վերցնում Սուրեն Խաչատրյանի թողած պարտքերը փակելու համար, մարզպետը պատասխանեց, որ իրականում նման բան գոյություն չունի:

Իսկ, թե ինչու իշխանությունները որոշեցին հենց իրեն նշանակել այդ պաշտոնին` անգամ հաշվի չառնելով, որ ինքը նախկինում չի զբաղեցրել նմանատիպ պաշտոններ, մարզպետը պատասխանեց. «Երևի նշանակողները գտել են, որ ես մենեջեր եմ, լավ մենեջեր եմ, կրիզիս մենեջեր եմ, դրա համար էլ առաջարկել են, որ զբաղեցնեմ այդ պաշտոնը, ես էլ չեմ հրաժարվել»:

Մեր այն դիտարկմանը, որ Դուք շեշտեցիք Ձեր կրիզիս մենեջեր լինելու հանգամանքը, արդյոք ցանկանում էիք ասել, որ ներկայում զբաղված եք Սյունիքը կրիզիսային վիճակից հանելու գործընթացով, Վ. Հակոբյանը պատասխանեց. «Ճիշտ մեկնաբանեք իմ ասածը»:

Անի Սարգսյան