«Քարֆուր Արմենիա» հիպերմարկետը փոխում է իր ռազմավարությունը. «Փաստ»

«Փաստ» օրաթերթը գրում է.

Վերջին շրջանում «Քարֆուր Արմենիա» հիպերմարկետը կրճատել է իր ապարանքների ցանկը և ապրանքների սակավությունը տպավորություն էր առաջացնում, թե այն որոշել է դադարեցնել իր գործունեությունը Հայաստանում:
«Փաստը» «Քարֆուր Արմենի» ընկերության PR մենեջերից փորձեց պարզել, արդյո՞ք որոշ բաժինների փակամն և ապրանքների սակավության պատճառը փակվելը չէ.
«Ոչ, «Քարֆուր Արմենիան» չի փակվում, պարզապես փոխում է իր բիչզնես մոդելն ու ռազմավարությունը: Հիպերմարկետից անցնում ենք սուպերմարկետի»,– ասաց ընկերության PR մենեջերը:
Հարցին, թե նման փոփոխության պատճառը ֆինանսական դժվարություններն են, թե այլ պատճառներ կան, որոնք թույլ չեն տալիս լիարժեք բիզնես–գործունեություն ծավալել, հասարակայնության հետ կապերի պատասխանատուն ասաց, որ իրենք մամոևլի հետ չեն ցանկանում շփվել, ուստիև նա չի ցանկանում պատասխանել մեր մյուս հարցերին:
Մեր պնդումներին, թե մամուլն ընդամենը ֆիքսել է իրենց վարքագծի փոփոխությունը և ընդքամենն ուզում է իրազեկվել, թե արդյո՞ք բիզնես–խոչընդոտներ չկան, որոնք կարող են խանգարել իրենց գործունեությանը, «Քարֆուր Արմենիայի» խոսնակը ևս մեկ անհգամ կրկնեց.
«Ոչ ես, ոչ էլ մեր տնօրենը այս փուլում չենք ցանկանում հարցազրույց տալ կամ հարցերի պատասխանել»:
Այն, որ ընկերությունն այնքան էլ կոմֆորտային պայմաններում չսկսեց իր գործունեությունը պարզ էր հիպխերմարկետի բացման առաջին իսկ օրերից և մշտապես հարց էր ծագում, թե օրինակ սպառողն ինչո՞ւ պետք է լրացուցիչ գումար և ժամանակ ծախսի հայկական արտադրության թթվասերը, կամ հայկական փաթեթավորում ունեցող շաքարավազը հատկապես Քարֆուրից գնելու համար: Այս և նմանատիպ այլ հարցերը ընկերության բացման առաջին իսկ օրվանից մինչ օրս մնացին օդում կախված Քարֆուրի տնօրինության կողմից որդեգրած՝ մամուլի հետ չխոսելու քաղաքականության պատճառով, իսկ այն որ բազում երկրներում հաջողած ընկերությունը Հայաստանում չի կարողանում նորմալ գործունեություն ծավալել ու դեռ զարգանալու փոխարեն որոշում է կայացրել նեղացնել իր շրջանակները միանշանակ խոսում է այն մասին, որ այստեղ ինչպես բիզնեսի շատ ոլորտներում ինչ–որ բան այն չէ:

Շարունակությունը` «Փաստ» օրաթերթի այսօրվա համարում: