Եփած բանանը կօգնի ազատվել անքնությունից

Անքնությունը ինքնին տհաճ երևույթ է, որի դեպքում մարդուն ողջ օրվա ընթացքում ուղեկցում է հոգնածության զգացողությունը, ցրվածությունը, ընկճվածությունը, հաճախակի գլխացավերն ու գլխապտույտները:

Անքնությունը կարող է մշտական սթրեսի ու նյարդային լարվածության հետևանք լինել: Քնի խանգարումը նկատվում է նաև այն մարդկանց մոտ, ովքեր ունեն  օրվա անկանոն ռեժիմ, ինչպես նաև նրանք, ովքեր հաճախակի են  օգտագործում  սուրճ, թունդ թեյ ու ալկոհոլ:

Բանանով ջուրը հիանալի հանգստացնող ու քնաբեր միջոց է: Նրանում առկա կալիումն ու մագնեզիումը նպաստում են մկանների թուլացմանն ու հանգստացմանը:

 

Բանանով ըմպելիք

• 1 հատ բանան
• 200 մլ ջուր
• Մի պտղունց դարչին

Պատրաստման եղանակը՝

1. Ջուրը եռացրեք, բանանը լավ լվացեք, 2 ծայրերը կտրեք և դրեք եռացող ջրի մեջ:
2. Եռացող ջրի մեջ բանանը եփեք 10 րոպե:

3. Առավել հաճելի  համի համար կարող եք ավելացնել նաև մի պտղունց դարչին:
Կեղևով եփած բանանը կարող եք օգտագործել նաև այլ տարբերակով. Եփած բանանի վրա  կարող եք մի փոքր ավելացնել կակաո, դարչին ու շաքարի փոշի: Նման բանանը շատ օգտակար է երեկոյան ուտելու համար, քանի որ այն բարելավում է աղեստամոքսային տրակտի աշխատանքն ու մաշկի վիճակը: