ՀՀ-ն գերազանցեց իր արտահանման ռեկորդը

Անի Սանոսյանը ֆեյսբուքյան իր էջում գրում է.

Եթե ուսումնասիրենք Հայաստանի արտաքին առևտրաշրջանառության ցուցանիշները այս տարվա առաջին տասնը ամիսների կտրվածքով, ապա կհամոզվենք, որ այն բավականին բարձր է:

Առաջին տասը ամիսներին արտահանելով 1 միլիարդ 454 միլիոն դոլարի ապրանք՝ Հայաստանը գերազանցեց նախորդ տարում իր արձանագրած արդյունքները գրեթե 20 տոկոսով:

Մեր երկիրը հանդիսանում է ԵԱՏՄ անդամ, և տրամաբանական է, որ առաջին հերթին մեզ պետք է հետաքրքրի, թե ինչ միտում է առկա վերը նշված միության անդամ երկրների հետ այս տարի: 

Նախորդ տարվա կտրուկ անկումից հետո ռուսական շուկայում հայկական ապրանքների մուտքը տարեսկզբի երեք եռամսյակներին ավելացել է գրեթե 55 տոկոսով։

Ինչ վերաբերում է Բելառուսին և Ղազախստանին, ապա հայկական արտադրանքի արտահանումը ավելացել է համապատասխանաբար՝ 78 և 48 տոկոսով։

Չլինելով ԵՄ անդամ՝ Հայաստանը կարողանում է զարգացնել իր տնտեսական հարաբերությունները մի շարք պետությունների հետ: Այս տարվա առաջին տասը ամիսներին կրկնակի աճ է գրանցվել բուլղարական շուկայում, 6 անգամ շատացել է մուտքը ՄԱԷ, իսկ դեպի Իրաքի շուկա հայկական ապրանքների մուտքը դրամական չափելի ցուցանիշով հատել է 101 միլիոն դոլարի սահմանը:

Ինչ վերաբերում է Վրաստանին, ապա վերջինիս շուկա հայկական արտադրանքների մուտքը ավելացել է 27 տոկոսով:

Երբ ՌԴ-ի տնտեսությունը զգալի անկում ապրեց, Հայաստանը իր արտահանման ծավալներին հասցվող վնասը նվազեցնելու համար փորձեց ակտիվացնել իր հարաբերությունները մի շարք այլ երկրների հետ, որոնց հետ մինչ այժմ եղած առևտրաշրջանառությունը այդքան էլ մեծ չէր: Այս տարվա առաջին տասը ամիսներին մոտ 30 տոկոսով ավելացել է տեղական արտադրանքի մուտքը կանադական շուկա։