Ի՞նչ է օստեոպորոզը և ինչպե՞ս այն կանխարգելել

Օստեոպորոզը հիվանդություն է, որի ժամանակ ոսկրերը դառնում են փխրուն և աննշան վնասվածքից անգամ կարող են կոտրվել:

ԱՄՆ-ում, Եվրոպայում և Ճապոնիայում օստեոպորոզով հիվանդ են շուրջ 75 մլն. մարդ: Սա նշանակում է, որ յուրաքանչյուր երրորդ կին հիվանդ է օստեոպորոզով:

Կանայք ավելի հաճախ են հիվանդանում օստեոպորոզով, քան տղամարդիկ, որովհետև այս հիվանդությունը զարգանում է հիմնականում դաշտանադադարից հետո:

Օստեոպորոզով հիվանդանալու պատճառ կարող է լինել նաև ժառանգականությունը: Եթե մայրը տառապում է օստեոպորոզով, ապա դստեր հիվանդանալու հավանականությունը մեծ է:

Օստեոպորոզի վտանգը կայանում է նրանում, որ այն հիմնականում ընթանում է առանց ախտանիշների: Հիվանդները հաճախ ունենում են հոգնածության զգացում, բութ ցավեր գոտկատեղում:

Գոյություն ունեն մի շարք սննդամթերքներ, որոնց օգտագործելու դեպքում կարելի է կանխարգելել կամ բարելավել հիվանդությունը:

1. Ընդունեք կալցիումով հարուստ սնունդ. պանիր, կաթ, մածուն, կաթնաշոռ:

2. Օգտագործեք հում բանջարեղեն, կանաչեղեն, մրգեր, ընկուզեղեն:

3. Օրվա ընթացքում 20-30 րոպե տրամադրեք ֆիզիկական վարժություններին:

4. Չափավորեք սուրճի օրական քանակը:

5. Բացառեք ալկոհոլի և ծխախոտի օգտագործումը:

Նյութը հրապարակման պատրաստեց Past.am-ը: