Անատի Սաքանյանը՝ ընտրյալ ունենալու լուրերի մասին

Tert.am Life-ը գրում է.

Վերջին շրջանում խոսակցություններ են պտտվում, որ դերասանուհի Անատի Սաքանյանն ընտրյալ ունի: Ըստ մեզ հասած տեղեկությունների՝ ժամանցի տարբեր վայրերում Անատին հաճախ ներկայանում է մի տղայի ուղեկցությամբ: Լուրերի իսկությունը պարզելու համար Tert.am Life-ը կապ հաստատեց դերասանուհու հետ:

 «Չեմ մեկնաբանում այս լուրերը: Ես իմ անձնականի մասին չեմ խոսում»,- ասաց Անատին: Մինչ այս եղել են դեպքեր, երբ նա հերքել է իր անձնական կյանքին վերաբերող խոսակցությունները, սակայն նա հերքել է դրանք: Նրանից հետաքրքրվեցինք, թե ինչո՞ւ է որոշել այլևս չխոսել անձնականի մասին: «Միշտ խոսել են իմ անձնականի մասին, սակայն ես երբեք չեմ սիրել խոսել այդ թեմայի շուրջ: Չեմ ուզում ծավալվել»,- նշեց նա:

 

Դերասանուհին այս փուլում նկարահանվում է միայն «Քարե դարդում», սակայն նշեց, որ հաջորդ տարի նորություններ են սպասվում: «Առաջարկներ կան, սակայն դեռ չեմ քննարկում դրանք, որովհետև մինչև «Քարե դարդի» երրորդ եթերաշրջանը չավարտվի, չեմ կարող հստակ որևէ բան ասել»,- նշեց դերասանուհին ու հավելեց, որ  այս փուլում նկարահանումներին զուգահեռ աշխատում է իր մասնագիտությամբ՝  կոսմետոլոգ-վիզաժիստ է:

 Ժամանակին Անատին աշխատում էր նաև Երևանի ռեստորաններից մեկում՝ որպես մենեջեր, այժմ՝ ոչ: ««Քարե դարդում» նկարահանվելուց հետո չեմ աշխատում ռեստորանում, սակայն ես չեմ ամաչում աշխատանքից: Եթե ժամանակավոր արձակուրդ ունենամ, հաստատ ազատ չեմ մնա այդ ընթացքում: Ռեստորանում կաշխատեմ, թե այլ տեղ, կարևոր չէ»,- ասաց Անատին:

 Դերասանուհուց հետաքրքրվեցինք՝ արդյոք հեռուստատեսային հոնորարները բավարարում են իրեն: «Փողը երբեք շատ չի լինում: Ամեն մեկը մի աշխատավարձ է ստանում: Փողը երբեք չի բավարարում ինձ, միշտ ձգտում եմ ավելիին: Թե որքան գումար ունեմ ամսվա  կտրվածքով, հարաբերական է: Կարող է մի ամիս շատ լինել, հաջորդ ամիս՝ քիչ: Ինձ մոտ երբեք ոչինչ ստաբիլ չի լինում»,- եզրափակեց նա: