Նրան ոչինչ չի կոտրում, նա միշտ քայլում է դեպի առաջ. Լյուսին` նոր տեսահոլովակի մասին

 Life.panorama.am-ը գրում է.

Հաշված օրեր հետո երգչուհի Լյուսին իր երկրպագուների դատին նոր տեսահոլովակ կհանձնի, որի մանրամասների մասին պատմել է Life.panorama.am-ին:

«Հետաքրքիր երգ ու ոչ պակաս հետաքրքիր տեսահոլովակ եմ պատրաստել, որը շուտով արդեն հասանելի կլինի համացանցում: Երգը կոչվում է «Best of me», որի երաժշտության հեղինակներն ենք ես, Նյու Յորքից Արամը եւ Լազզարոն, իսկ խոսքերի հեղինակներն են կրկին Արամն ու Ջաիդա Թոմսոնը»,- նշեց Լյուսին ու խոսեց տեսահոլովակում իր կերպարների մասին.

«Նախ ասեմ, որ երգը շատ ուժեղ աղջկա մասին է, նրան ոչինչ չի կոտրում, նա միշտ քայլում է դեպի առաջ: Տեսահոլովակը չունի կոնկրետ սյուժե, փոխարենը կան գեղեցիկ պարային տեսարաններ, որտեղ ինքս եւս հանդես եմ եկել: Ի դեպ` իմ հետաքրքիր կերպարների ու պարային համարների համար շնորհակալ եմ խարիոգարֆ` Հովհաննես Սարգսյանին,  ոճաբան Ալբերտ Գրիգորյանին, ում մտքերն իրականացրել է քույրս` Ստելլա Աղաբեկայնը,  դիմահարդար Դիանա Աղաջանյանին եւ վարսահարդար Նանո Ջուլակյանին: Նաեւ օպերատոր Սուրեն Թադեւոսյանին եւ աշխատանքիս տնօրեն` Հայկ Թադեւոսյանին եմ անչափ շնորհակալ եմ ինձ հետաքրքիր աշխատանք պարգեւելու համար»,- հավելեց երգչուհին:

Ինչպես գիտենք` Լյուսին վերջին ամիսներին մասնակցում է «Դեպի Եվրատեսիլ» նախագծին ու բավականին մեծ հաջողություններ գրանցում: Սակայն ծանրաբեռնվածությունը երգչուհուն չի խանգարել նոր աշխատանք ստեղծելու համար.

«Բավականին դժվար էր համատեղել նախագիծն ու նոր տեսահոլովակի ստեղծումը, քանի որ չպետք է թերանայի ոչ մի կողմում: Սակայն, երբ մարդ սիրում է իր աշխատանքը, մասնագիտությունը, ամեն բան անում է հաճույքով ու մեծ պատասխանատվությամբ»,- ընդգծեց նա:

Ի դեպ` Լյուսին Ամանորը կանցկացնի ԱՄՆ-ում.

«Արդեն իսկ նախատեսված է, որ Ամանորի գիշերը ես, Էրիկն ու Արամ МP3-ը Allure banquet hall-ում ելույթ կունենանք ամրիկաբնակ մեր հայրենակիցների համար` նրանց հետ դիմավորելով 2017-ը: Հուսով եմ` նոր տարվա լավ մեկնարկ կունենաք: Աշխատանքային օրերից հետո, բնականաբար, կփորձեմ մի փոքր հանգստանալ, որպեսզի նոր լիցքերով արդեն 2017-ին աշխատեմ իմ շատ սիրելի հանդիսատեսի համար»,- ավարտեց Լյուսին: