Մեր պաշտպանական գերատեսչությունները պետք է վերանայեն ամեն ինչ «ռազմական գաղտնիքի» տակ կոծկելու գործելաոճը

Կարեն Համբարձումյանը ֆեյսբուքյան իր էջում գրում է.

Եթե մեր երկու պաշտպանական գերատեսչությունները չեն ցանկանում, որ առաջնագծից առաջին ձեռք ինֆորմացիան սոցցանցերում տարածվի իրենց համար ոչ ցանկալի աղբյուրներից, օրինակ՝ Հիմնադիր խորհրդարանի ներկայացուցիչներից մեկի կողմից, որին համարում են ոչ այլ ինչ, քան քաղաքական աղանդ, մութ և կասկածելի ուժ, ուրեմն՝ պետք է սովորեն ավելի լավ աշխատել լրագրողների հետ։ 
Երեկ ՀԽ-ից մի օգտատեր հաղորդագրություն են տարածում դիրքերում լարված իրավիճակի մասին և հայտնում վիրավորների անուն-ազգանուններ, ծննդյան տարեթվեր։ Դե պատկերացրե՛ք, այդ ինֆորմացիան բավականին տևական ժամկետում է դիրքերից հասել տվյալ օգտատիրոջը, այդ ընթացքում պաշտոնական աղբյուրները ոչ միայն մեկնաբանություն չեն տվել, այլ գրառման տարածումից հետո էլ ոչ հստակ, խուսափողական պատասխաններ են տվել։ 
Սա մի օրինակ պաշտպանական գերատեսչությունների մամուլի և հանրային կապերի ներկայացուցիչների ոչ պրոֆեսիոնալ աշխատանքի, որը վերջիններս միշտ կարող են կոծկել կամ արդարացնել «ռազմական գաղտնիք», «քարոզչական նպատակներ» հասկացությունների տակ։ 
Հ.Գ. Ապրիլյան պատերազմից հետո այսպիսի բազմաթիվ դրվագներ եղան, և սա խորացրեց հասարակության անվստահությունը այս գերատեսչությունների նկատմամբ, որոնք ժամանակին՝ պատերազմից առաջ, վայելում էին այդ վստահությունը։ 
Փաստորեն՝ այս գործելաոճը պետք է վերանայել, քանի որ այն խորացնում է բանակ-հասարակություն անջրպետը։