Փաշինյանը հորդորում է ուշադրության կենտրոնում պահել «Աշտարակ կաթ»-ի աշխատակիցների աշխատավարձերը վճարելու հարցը

 Ազգային ժողովի ընդդիմադիր պատգամավոր Նիկոլ Փաշինյանը կառավարությանը հորդորում է հետամուտ լինել, որպեսզի «Աշտարակ կաթ» ընկերության աշխատակիցները ստանան իրենց չվճարված աշխատավարձերը: Ազգային ժողովի քառօրյա նիստի մեկնարկին պատգամավորն ընդգծեց, որ կառավարությունը պետք է հաշվի առնի, որ «Աշտարակ կաթ»-ի աշխատակիցները, որոնք 5 ամիս է աշխատավարձ չեն ստացել, ունեն վարկային պարտավորություններ, ընտանիք պահելու խնդիր, ուստի նրանց իրավունքները պետք է մաքսիմալ պահպանել: 

«Իհարկե, պոզիտիվ է, որ այդ ընկերությունում լիարժեք վերագործարկման պրոցեսներ են ընթանում, խոսվում էաշխատակիցների պարտքը մարելու մասին, բայց ես ուզում եմ ասել, որ 300 աշխատողի նկատմամբ 3-5 ամսվաաշխատավարձի պարտք կա, ուստի հորդորում եմ կառավարությանն այս թեման ուշադրության տակ պահել»,- «Արմենպրես»-ի հաղորդմամբ՝ նշեց Նիկոլ Փաշինյանը:
ԱԺ փոխնախագահ Հերմինե Նաղդալյանն էլ հայտարարեց, որ հարցը կառավարության  ուշադրության կենտրոնում է: «Կառավարությունն ուշադիր է, հնարավորությունների սահմանում հետամուտ է լինում աջակցության հարցերով: Կիսում ենք ձեր մտահոգությունը, որովհետև կան և՛ աշխատավարձի, և՛ մթերման խնդիրներ»,- շեշտեց Հերմինե Նաղդալյանը: