Արգենտինայի քաղաքացիներն անտեսում են Ադրբեջանի ԱԳՆ սպառնալիքները

Ադրբեջանի ԱԳՆ-ն «սեւ ցուցակում» է ներառել մի շարք արգենտինացի լրագրողների, որոնք Լեռնային Ղարաբաղ են այցելել։ Այս մասին հայտնում է haqqin.az–ը։

Արգենտինական ռադիոյի աշխատակից Ռոման Լեյթմանի խոսքով, որը նույնպես պերսոնա նոն -գրատա է հայտարարվել, ինքը չի զղջում իր արարքի համար, բայցեւ հույսը չի կորցնում Ադրբեջան այցելել։ «Մի անգամ ես կայցելեմ Ադրբեջան։ Ես այդ ժողովրդի հետ տարաձայնություններ չունեմ»,- հայտնել է նա արգենտինական լրատվամիջոցներին։

Ռադիոհաղորդավարը այցելել էր Լեռնային Ղարաբաղ այս տարվա հունիսին։ Ուշագրավ է, որ նրանից հետո, Ադրբեջանի ԱԳՆ-ի տվյալներով, Լեռնային Ղարաբաղ է այցելել  արգենտինական մամուլի եւս երկու ներկայացուցիչ՝ հեռուստահաղորդավար Լեո Մոումջյանը, 2016-ի հուլիսին եւ «Կլարին» թերթի աշխատակից Դենիել Վիտտարը՝ 2016-ի օգոստոսին։ Նրանց նույնպես «սեւ ցուցակում» են։

Ադրբեջան մուտքը արգելված է Արգենտինայի եւս 11 քաղաքացիների։ Նրանք են՝ Դենիել Վիզենբերգը  (ԼՂՀ էր այցելել 2016-ի մարտին), գործարար  Էդուարդո Էրնեկյանը, լրագրող Ֆակունդո Կանտելմին (2015-ի ապրիլին), սփյուռքահայ Խորխե Մուրեկյանը, քաղաքական գործիչ Խոսել Ալբիսուն (2010-ի մայիսին), երաժիշտ Խուան Դոմինգեսը (2015-ի փետրվարին), լրագրող ՄԱրսելո Կանտելմին (2005-ի ապրիլ ու 2015-ի ապրիլ), լրագրող Մարիա Կարպինետան (2015-ի մարտ), սփյուռքահայ Ռոսիտա Յուսեֆյանը, լրագրող Սանտյագո Ֆարելը (2015-ի մարտ), սփյուռքահայ Սերխիո Նահապետյանը (2010-ի մայիս)։