Հայտնիներից` Չարլի Չապլինն է եղել ամենաժլատը

Միաժամանակ, նա ամեն ինչ արել է, որպեսզի ռեստորանում ընթրիքները վճարեն իր ընկերները:

«Time» ամսագիրը հրատարակել է բոլոր ժամանակների հարուստների վարկանիշը, ովքեր առանձնացել են անհավատալի ժլատությամբ: Ցուցակը բացում է Չարլի Չապլինը, ով շաբաթական աշխատել է 10 հազար դոլար: Միաժամանակ, նա ամեն ինչ արել է, որպեսզի ռեստորանում ընթրիքները վճարեն իր ընկերները: Բևերլի Հիլզում իր տան կառուցման համար Չապլինը Հոլիվուդից «անվճար» ատաղծագործներ է բերել:

ԱՄՆ-ի նախկին նախագահ Ջոն Քենեդին չի օգտվել հոր կողմից իրեն թողած 170 միլիոն դոլարից և տնտեսել է նույնիսկ հագուստի և մթերքների վրա:

Միլիարդատեր Ուորեն Բաֆեթն ապրում է սովորական տան մեջ և վարում է հասարակ մեքենա, որի համարի վրա գրված է «Խնայող»:

Ջոն Գեթին 1970-ականներին համարվել է աշխարհի ամենահարուստ մարդը` 4 միլիարդ դոլար կարողությամբ: Սակայն, իր ամառանոցային տանը նա հյուրերի համար տաքսոֆոն է տեղադրել, որպեսզի չվճարի նրանց հեռախոսազրույցները: Իսկ 1973 թվականին հրաժարվել է հետ գնել առևանգված թոռանը:

Նավթային մագնատ Հարոլդ Հանթը, ով 1948 թվականի աշխարհի ամենահարուստ մարդն էր, այնքան ժլատ էր, որ ինքն էր կտրում իր մազերը: Նրան ճանաչում էին համարյա ծակվելու աստիճան մաշված շորերով:

Վարկանիշում նաև տեղ է գրավել 1930-ականների կինոաստղ Քերի Գրանտը, ով իր ստորագրությունները վաճառել է 25 ցենտով: Բարոնուհի Լեոնա Հելմսլին, ով 18 ամիս բանտ է նստել հարկերը չվճարելու համար, բայց իր շանը 12 միլիոն դոլարի ժառանգություն է թողել: Հունական մագնատ Արիստոտել Օնասիսը հանդիսավոր երեկույթներից հետո անձամբ էր աղբի բակերից հավաքում ուտելիքի մնացորդները:

Աղբյկուրը` Slaq.am