Առողջ սնունդ՝ առողջ սիրտ

Մեր օրերում մահացության դեպքերի հիմնական պատճառներից մեկը սրտանոթային հիվանդություններն են: Ինչպես բոլոր հիվանդությունների՝ այս հիվանդությունների պատճառները նույնպես կարող են լինել գեները,ինչպես նաև կենսակերպը, պասիվ ֆիզիկական վիճակը, սնունդը և սթրեսը: Past.am-ի խորհուրդներին հետևելով կարելի է շտկել այդ խնդիրը:

Սրտանոթային հիվանդությունները կարող են առանց նախանշանների լինել: Վերջերս արված հետազոտությունները ցույց են տվել, որ սննդակարգը կարգավորելով՝ կկարողանաք կանխարգելել սրտի կաթվածը:

Ճիշտ սնունդը կօգնի պահպանել արյունատար անոթերի առողջությունը՝ կանխարգելելով վտանգավոր խցանումները: Ճիշտ սննդակարգով կարող եք պայքարել բարձր խոլեստերինի և արյան մեջ հայտնված այլ ճարպերի դեմ:

Ձուկ: Սրտի հիվանդությունները կանխարգելելու լավագույն տարբերակը ձուկն է: Հատկապես յուղոտ ձուկը հարուստ է օմեգա-3 ճարպաթթուներով: Ապացուցված է, որ ձուկը կանխարգելում և բուժում է սրտանոթային հիվանդությունները:

Մրգեր և բանջարեղեն: Խնձորը կանխարգելում է արյան անոթների խցանումների առաջացումը: Խնձորը պարունակում է մեծ քանակությամբ վիտամիններ և մանրաթելեր: Այն կարող եք ուտել նշի կամ ընկույզի հետ միասին:

Ձիթապտղի յուղ: Այս յուղը հարուստ է ճարպերով: Ձիթապտղի յուղը նվազեցնում է սրտի հիվանդությունների առաջացման ռիսկը:

Անի Գևորգյան