«Լավ տղաների» 5 թերությունները

Արկածախնդիրներից հոգնած՝ կանայք շատ հաճախ փնտրում են «լավ տղաների»` ավելի կայուն, հավասարակշռված հարաբերություններ ունենալու համար: Բայց, ինչպես գիտեք, ամեն մեդալ ունի իր հակառակ կողմը: LN-ն այս անգամ կանդրադառնա այսպես ասած «լավ տղաներին». կխոսենք շրջապատի մեծամասնության կարծիքով «անթերիների» մասին:

Նախ` «լավ տղաների» մեծամասնությունը, ցավոք, «անդեմ» է: Նրանք միշտ փորձելու են հարթել ամեն ինչ, շրջանցել: Դա կսկսվի հենց հարաբերությունների սկզբում: Սովորաբար այս տիպի տղաները, երբ «թիրախ» են գտնում, չեն դիմում անմիջական քայլերի, այլ ընտրում են ամենաերկար և երբեմն էլ ձանձրալի ուղին: Այս հարցերում նրանք անվստահ են և վախկոտ, ինչը ոչ բոլոր կանանց է դուր գալիս:

Երկրորդ՝ «լավերը» շատ են սիրում հաճոյանալ շրջապատին: Նրանք պարզապես շնչում են շրջապատողների գովեստներով և հիացմունքով: Ցավալին այն է, որ շատ հաճախ այդ իմիջը պահպանվում է միայն երևակայության մեջ:

Երրորդ՝ էքստրեմալ իրավիճակներում «լավ տղաները» շուտ են կորցնում իրենց և սկսում սպասել, մինչև մեկն իրենց դուրս բերի այդ վիճակից: Այս իրավիճակներում նրանք վերածվում են երեխաների: Դուք ոչ միայն ստիպված կլինեք հոգ տանել նրա մասին, այլև երեխայի պես հանգստացնել նրան, համոզել, որ ամեն ինչ կարգին է:

Չորրորդ՝ «լավ տղաները» երբեք չեն արտահայտում իրենց խանդը: Եթե անգամ Ձեզ նրա քթի տակից տանեն, արտաքուստ նա շատ հանգիստ կթվա: Թեպետ նրա սրտում կարող է փոթորիկ լինել, բայց հիանալի կկարողանա թաքցնել դա և անտարբերություն ցուցաբերել:

Հինգերորդ,՝այսպիսի տղամարդիկ վերին աստիճանի անտանելի են լինում մեկ հարցում եւս: Որպեսզի նրանք որոշում կայացնեն, պետք է միլիոն անգամ բոլոր կողմերից քննարկեն, հաշվարկեն հարցը: Անհաջողություններին նրանք չեն դիմանում: Նրանք միայն ուրախ կլինեն, եթե կարողանան արարքի պատասխանատվությունը դնել մեկ ուրիշի ուսերին, թեկուզև դրանք լինեն կանացի ուսեր…

Աղբյուր` LADYNEWS.am