Life.panorama.am-ը գրում է.
Թովմաս Պողոսյանի դուստրը` երգչուհի Սերինե Պողոսյանը, մայրանալուց հետո վերադառնում է երգարվեստ, միայն թե այս անգամ հստակ որոշմամբ` այսուհետ ներկայանալու է միայն ժողովրդական, աշուղական երգերով.
«Հաստատուն քայլերով վերադառնում եմ երգարվեստ: Սակայն ի տարբերություն նախկին ժանրիս, այսուհետ միայն կներկայանամ աշուղական, ժողովրդական ժանրում: Այս որոշմանս վրա, իհարկե, մեծ է հայրիկիս գործոնը: Առաջ այսպես չէի մտածում, սակայն թերեւս ամեն նոր տարիքը մարդուն յուրովի է հասունացնում, նոր կերպով իմաստավորում կյանքը ու ազդում որոշումների վրա: Չգիտեմ ինչպես, գուցե նաեւ մայրանալու փաստը ինձ բերեց այս մտքին ու հասկացա, որ ուզում եմ իմ միջոցով էլ զարգացնել ու տարածել մեր ժողովրդական երգը: Շատ ոգեւորվում եմ, որ երիտասարդները մեծ ոգեւորություն ու սեր են ցուցաբերում հայկական արվեստի նկատմամբ: Ինքս փորձելու եմ մեր երգերը նորովի ներկայացնել, որը կշոյի երիտասարդների ակնաջը»- նշեց եչգչուհին:
«Արդեն իսկ աշխատում ենք տեսահոլովակի վրա, որը կներկայացնեմ մինչ Ամանոր: Երգը ընտրել եմ Աշուղ Ջիվանի ստեղծագործություններից, սակայն երգի անունը չեմ նշի` թողնելով անակնկալ: Երգի գործիքավորմամբ զբաղվել է «Կարեն-Սեւակ փրոդաքշենը», տեսահոլովակը նկարահանելու է Արտյոմ Աբովյանը, իսկ իմ ոճով զբաղվելու է Արմեն Գալյանը»,- պատմեց Սերինե Պողոսյանը:
Սերինեի դուստրը արդեն 1 տարեկան, 4 ամսական է: Բալիկի խնամքի հարցում երգչուհին օգնողներ շատ ունի.
«Իրականում կարող էի ավելի շուտ վերադառնալ ասպարեզ, քանի որ բալիկիս խնամքի հետ կապված խնդիրներ չունեմ` ի դեմս մայրկիս, սկեսուրիս ու մորաքրոջս: Ամուսինս էլ շատ է ոգեւորում ինձ, նա ինձ շատ է ուժ տալիս, ես էլ ոգեւորությամբ եմ աշխատում»,- ավարտեց նա:
