2016 թվականին Ստամբուլում գրանցվեց 7-րդ ահաբեկչությունը

Թուրքական T24 առցանց թերթի փոխանցմամբ՝ Դոլմաբահչեի երեկվա ահաբեկչությունը 2016 թվականին Ստամբուլում կատարված արդեն 7-րդ ահաբեկչությունն էր։

Երեկ Ստամբուլում գրանցվել է երկու ուժգին պայթյուն. պայթեցվել էր պայթուցիկով լի մեքենա, ինչպես նաև մահապարտ ահաբեկիչն էր պայթեցրել իրեն։ Այդ ամենի հետևանքով զոհվել է 29 և վիրավորվել է 166 մարդ։

2016 թվականին Ստամբուլում իրականացվել է պայթուցիկով լեցուն ավտոմեքենայի 4 պայթեցում և մահապարտ ահաբեկիչների կատարմամբ 4 հարձակում։

2016 թվականին Ստամբուլում առաջին ահաբեկչությունը գրանցվել էր հունվարի 12-ին, Սուլթանահմեթի հրապարակում։ Զբոսաշրջիկների դեմ ռմբային հարձակման հետևանքով զոհվել էր 13 և վիրավորվել էր 16 մարդ։

Երկրորդ պայթյունը գրանցվել էր մարտի 19-ին, Իսթիքլալ պողոտայում։ Մահապարտ ահաբեկչի հարձակման հետևանքով զոհվել էր 5 և վիրավորվել էր 37 մարդ, որոնցից 7-ը՝ ծանր

Չորրորդ ահաբեկչությունը գրանցվել էր հունիսի 7-ին, Վեզնեջիլեր շրջանում։ Պայթուցիկով լի ավտոմեքենայի պայթեցման հետևանքով զոհվել էր 11 մարդ, որոնցից 7-ը ոստիկաններ են։ Վիրավորվել էր 36 մարդ։ Հարձակման պատասխանատվությունը ստանձնել էր TAK-ը։

Հինգերորդ հարձակումն իրականացվել էր հունիսի 28-ին, Աթաթուրքի անվան միջազգային օդանավակայանում։ Երկու մահապարտ ահաբեկիչներ պայթեցրել էին իրենց։ Զոհվել էր 40 մարդ, վիրավորվել էր ավելի քան 100 մարդ։

Վեցերորդ հարձակումն էլ գրանցվել էր հոկտեմբերի 6-ին, Ենիբոսնա շրջանում։ Պայթուցիկով լի մոտոցիկլետի պայթեցման հետևանքով վիրավորվել էր 10 քաղաքացիական մարդ։