Բնակելի շենքերում կենտրոնական ջեռուցմանն այլընտրանք չկա
ԲԼՈԳՀենրիխ Մարգարյանը ֆեյսբուքյան իր էջում գրում է.
Ինչպես 2013թ․ դեկտեմբերի սառնամանիքի ժամանակ, այնպես էլ հիմա պարզորոշ զգացվում է, որ բնակելի շենքերում կենտրոնական ջեռուցմանն այլընտրանք չկա։
Բնակարաններում տեղադրված գազի կաթսաները ցածր ջերմաստիճանի դեպքում "խեղճանում" են և չեն ապահովում անհրաժեշտ ջերմաստիճանը։ Կենտրոնական ջեռուցման դեպքում տաքանում է ամբողջ շենքը՝ մուտքից մինչև բնակարանի դուռը։
Ձմեռային ամիսներին միջին վիճակագրական ընտանիքը վճարում է ամսեկան 40-50 հազար դրամ և դա լավագուն դեպքում, իսկ եթե ավելի ցրտաշունչ ձմեռ է, ապա՝ 70-90 հազար դրամ (3-4 ամիսների ընթացքում)։ Դրա փոխարեն կարելի է ամիսը 10-12 հազար դրամ վճարել՝ փոխարենը կլոր տարի ունենալով տաք ջուր, ձմռան ամսիներին՝ ջեռուցում։
Յուրաքանչյուր բնակելի շենք կարող է սեփական ուժերով կառուցել ոչ մեծ կաթսայատուն և միացնել այն շենքին։ Իհարկե, դա դժվար գործընթաց է և մի քիչ երկար ժամանակ կպահանջի, բայց արդյունքում բոլոր կշահեն։
Պարզ հաշվարկը ցույց է տալիս, որ այդ պարագայում շենքի բնակիչները շատ ավելի քիչ գումար կծախսեն կոմունալ վճարների համար, քան հիմա․ գազի կաթսաներն ավելի շատ գազ են "վառում", քան տաքացնում։