7 ծանրակշիռ պատճառ՝ Ձեր երեխաների լուսանկարները համացանցում չհրապարակելու համար

Մեր օրերում դժվար է գտնել այնպսի ծնողների, ովքեր չեն ցանկանում սոցցանցերում տեղադրել իրենց երեխաների լուսանկարները՝ ցույց տալով, թե ինչքան գեղեցիկ, նուրբ և խելացի են նրանք։ Սակայն քչերն են հասկանում, որ դա մեծ վտանգ է երեխայի անվտանգության համար։

Ձեր երեխաների անվտանգության համար BlogNews–ը մշակել է 7 ծանրակշիռ պատճառ, որոնք պետք է ետ պահեն Ձեզ՝ երեխայի լուսանկարը համացանցում հրապարակելուց։

ԶԳՈՒՇԱՑՈՒՄ. Սա չի նշանակում, որ պետք է թաքցնել երեխաներին բնակարանում և արգելել նրանց դուրս գալ։ Սա ուղղակի ավելի խելամիտ և զգույշ լինելու կոչ է։

Մի՛ ակտիվացրեք նկարների գեոլոկացիան

Մի՛ հրապարակեք Ձեր երեխայի նախընտրած վայրերը համացանցում։ Որոշ «հիվանդ» մարդիկ կարող են օգտագործել այդ ինֆորմացիան Ձեր երեխայի տեղը պարզելու համար։

Մի՛ հրապարակեք նկարներ, որոնք բացահայտում են երեխայի նախասիրությունները

Իմանալով այն, թե ինչ է սիրում Ձեր երեխան, մարդիկ հեշտությամբ կարող են խաբել նրան և առևանգել ցանկացած իրադրության մեջ։

Ջնջեք այն բոլոր նկարները, որտեղ երեխայի տվյալները երևում են

Առաջին հայացքից հիմարություն է թվում, սակայն շատ մարդիկ սիրում են համացանցում ի ցույց դնել իրենց նոր վիզաները կամ անձնագրերը։ Իմանալով երեխայի ամբողջական անունը և անձնագրի համարը՝ ցանկացած մարդ կարող է պարզել երեխայի մասին գրեթե ամեն ինչ։

Մի՛ հրապարակեք նկարներ, որտեղ երեխան մեքենայի մոտ է

Բացի ինֆորմացիա տրամադրելուց՝ այսպես դուք ռիսկի տակ եք դնում նաև սեփական անձը։ Լուսանկարում պատկերված ծնողները, ովքեր մեքենայով տանում են իրենց երեխային, հայտնվել են բանտում՝ երեխայի հետ անզգույշ վարվելու և անվտանգությանը սպառնալու համար։

Մի՛ հրապարակեք լուսանկարներ, որտեղ Ձեր երեխան մերկ կամ կիսամերկ է

Հնարավոր է՝ այդպիսի լուսանկարները ուրախացնեն Ձեզ և Ձեր հարազատներին, սակայն կան «հիվանդ» մարդիկ, ովքեր այդ լուսանկարները կարող են ուրիշ նպատակների ծառայեցնել։

Մի՛ հրապարակեք նկարներ, որոնց պատճառով երեխան կամաչի հետագայում

Համացանցի դարաշրջանում հնարավոր չէ գուշակել, թե ինչ կկատարվի այդ լուսանկարի հետ։ Դա կարող է նույնիսկ համացանցային հիթ դառնալ և անուղղելի հոգեբանական վնաս հասցնել Ձեր երեխային։ Այդ իսկ պատճառով մեկ անգամ ևս մտածեք երեխայի այդպիսի լուսանկարները հրապարակելուց առաջ։

Խուսափեք Ձեր և ուրիշ երեխաների համատեղ լուսանկարներ հրապարակելուց

Մինչև Ձեր երեխայի և նրա համադասարանցիների լուսանկարը հրապարակելը մտածեք, որ նրանց ծնողները կարող են դեմ լինել դրան, իսկ Դուք իրավունք ունեք որոշել միայն Ձեր երեխայի համար։

Հիշեք, որ ցանկացած անգամ, երբ Դուք հրապարակում եք Ձեր երեխայի լուսանկարը համացանցում, դա հասանելի է լինում միլիոնավոր մարդկանց համար, ովքեր կարող են այդ նկարն օգտագործել իրենց քմահաճույքի համար։ Զգույշ եղեք և մշտապես մտածեք Ձեր երեխայի անվտանգության մասին։