Օպերային թատրոնի ղեկավարության տոնական բարեմաղթանքները

Past.am-ի ընթերցողների Ամանորն ու Սուրբ Ծնունդը շնորհավորում են Ա. Սպենդիարյանի անվան օպերայի և բալետի ազգային ակադեմիական թատրոնի տնօրեն Անդրանիկ Արզումանյանն ու գեղարվեստական ղեկավար, ՌԴ վաստակավոր արտիստ Կոնստանտին Օրբելյանը:

Անդրանիկ Արզումանյան. «Ա. Սպենդիարյանի անվան օպերայի և բալետի ազգային ակադեմիական թատրոնի ամբողջ ստեղծագործական անձնակազմի անունից շնորհավորում եմ մեր հայրենակիցների Ամանորն ու Սուրբ Ծնունդը:

Անցնող տարին մեր թատրոնի համար հագեցած էր պրեմիերաներով, համերգներով, մենք կարողացանք իրագործել տասնյակ մեծածավալ ծրագրեր, որոնք շարունակելու ենք ի կատար ածել 2017 թվականին: Թող 2017 թվականին մեր Երկրում թևածի խաղաղությունը: Գալիք տարին լեցուն լինի ստեղծագործական հաջողություններով՝ ի շահ մեր հանրապետության ու ազգի բարօրության: Շնորհավոր Ամանոր և Սուրբ Ծնունդ»:

Կոնստանտին Օրբելյան. «Սիրելի հայրենակիցներ, անցնող տարին իմ կյանքում եղավ Հայրենիքի հետ ստեղծագործական կապերի առավել մերձեցման տարի:

Ստանձնելով Հայաստանի օպերային և բալետի թատրոնի գեղարվեստական ղեկավարի պատասխանատու և միևնույն ժամանակ անչափ պարտավորեցնող աշխատանքը՝ ես նպատակ դրեցի անել առավելագույնը, որպեսզի կարճ ժամանակում իրագործենք մեծամասշտաբ ծրագրեր: Արդեն մեկնակը տրված է և 2017-ին մենք կներկայանանք նոր պրեմիերաներով, համերգային ծրագրերով, առավել կընդլայնենք թատրոնի գործունեությունը միջազգային հարթակներում:

Ցանկանում եմ, որ 2017 թվականը մշակույթի տարի լինի: Երջանկություն և խաղաղություն եմ ցանկանում բոլորիդ ընտանիքներին և նոր տարում խոստանում եմ, որ Հայաստանի օպերային թատրոնում հանդիպելու տասնյակ հիշարժան առիթներ կունենանք»: