Ամուսնանալու ցանկություն եւ ժամանակ չունեմ. Անդրեի բացառիկ խոստովանությունները

2016 թ-ը, բավականին, հագեցած էր Անդրեի համար: Նոր երգեր («Սրտի արեւ», «Ես չեմ ուզում պատերազմ լինի», «Իմ հայելին ես») եւ տեսահոլովակներ ներկայացնելուն զուգահեռ` երգիչը Գերմանիայում մասնակցեց Daf BAMA հեղինակավոր միազգային մրցանակաբաշխությանը` արժանանալով «Լավագույն հայ կատարող» տիտղոսին, ինչպես նաեւ ստեղծեց իր հեղինակային նախագիծը` «Andrenaline»-ը, որի նկարահանումներն արդեն մոտեցել են ավարտին, իսկ այժմ Անդրեն կրկին X Facror-ի ժյուրիի կարգավիճակում է:

Արդյոք նույնքան հագեցա՞ծ էր նաեւ երգչի անձնական կյանքը:

NEWS.am STYLE-ն Անդրեի հետ ամփոփել է նրա անցած տարին եւ խոսել 2017 թ-ի ծրագրերի մասին:

-Անդրե, 2016-ը, բավականին, բուռն տարի էր քեզ համար: Կարելի՞է ենթադրել, որ 2017-ը նույնքան հագեցած է լինելու:

-Այո, 2016-ն, իսկապես, շատ բուռն ու աշխատանքային տարի էր: Առհասարակ, երբ հետադարձ հայացք եմ գցում բոլոր անցած տարիների վրա, զգում եմ, որ վերջին տարիներն, ասես, մեկը մյուսի շարունակությունն են դառնում` մեկը մյուսից ավելի հագեցած ու նորություններով լի: Դա, իհարկե, շատ է ուրախացնում, քանի որ այդ փաստը նշանակում է, որ երբեք չեմ բավարարվում իրականացրածովս եւ միշտ նայում եմ առաջ` փորձելով կյանքի կոչել գլխումս ծագած ցանկացած ծրագիր: Իսկ իմ գլխում ծրագրերը միշտ շատ են: Այնպես որ` 2017-ը կրկին հագեցած կլինի նոր երգերով, տեսահոլովակներով եւ հետաքրքիր նախագծերով: Այժմ X Factor-ի ժյուրիի կազմում եմ: Գիտեմ, որ հեռուստադիտողն արդեն սովոր է ինձանից տեսնել հետաքրքիր շոուներ, խոստոնում եմ, որ այս եթերաշրջանում եւս շոուն անպակաս կլինի:

-Եթե աշխատանքային հաջողություններդ տեսանելի եներկրպագուներիդ եւ հեռուստադիտողների համար, ապաանձնականդ որքան հնարավոր է փակ ես պահում հանրությունից: Այնուամենայնիվ, կնշե՞ս այդ առումով 2016-ին հաջողություններգրանցել ես:

-Երբ անձնականումս գրանցվեն լուրջ փոփոխություններ, այսինքն` լինի նշանադրություն կամ ամուսնանամ, ապա դա արդեն, հաստատ, գաղտնի չեմ պահի հանրությունից. Նույնիսկ, մեծ ցանկության դեպքում չեմ կարողանա թաքցնել այդ փաստը: Իսկ առայժմ ամուսնանալու ցանկություն եւ ժամանակ չունեմ: Առհասարակ, նախընտրում եմ չխոսել անձնականիս մասին: Երբեմն թվում է` մարդիկ իմ մասին ավելի շատ բան գիտեն, քան ես, հաճախ որոշ բաներ հնարում են` ներկայացնելով, որպես իրականություն: Իսկ ես չեմ ցանկանում, որ ինձ համար թանկ մարդու մասին էլ տարածվեն այդ խոսակցությունները: Այնպես որ` ճիշտ եմ գտնում, երբ անձնականս փակ է լինում հանրության համար: Հայտնի մարդիկ սովոր են թե լավ, թե վատ խոսակցություններին, բայց մեր կյանքում գտնվող մարդիկ չպետք է առչվեն նման բամբասանքների հետ եւ այդ ամենը չպետք է ազդի նրանց տրամադրության վրա:

-Տարվա մեծ մասն անցկացրեցիր ԱՄՆ-ում` աշխատելով «Andrenaline»-ի շուրջ: Մինչ շատերը ենթադրում էին, թե մշտականբնակության ես մեկնել Միացյալ Նահանգներ, վերադարձարհայրենիք: Ի՞նչը ստիպեց, որ վերադառնաս:

-Սա առաջին դեպքը չէր, որ երկարատեւ այցով էի մեկնել Միացյալ Նահանգներ: Ամեն անգամ այնտեղ գտնվելուս ժամանակ մարդիկ սկսում են խոսել, թե Անդրեն հեռացավ երկրից, բայց ինչպես տեսնում եք` ես միշտ վերադառնում եմ, քանի որ ԱՄՆ-ն ինձ հետաքրքիր է միայն գործնական առումով` համերգներ, ձայնագրություններ, համագործակցություններ, նախագծեր: Այնտեղ հնարավոր է այդ ամենն իրականացնել որակյալ ձեւով, իսկ Հայաստանում ես ձեւավորվել եմ որպես երգիչ եւ այդ փաստը երբեք չեմ մոռանում: Բացի դա` այստեղի կարոտն այնքան մեծ է, որ չեմ պատկերացնում` արդյոք հնարավո՞ր է` մի օր որոշեմ մշտական բնակություն հաստատել այլ երկրում: Կարոտում եմ թե երկիրը, թե ընտանիքիս անդամներին, թե ընկերներիս, թե այստեղի մարդկանց` իրենց լավ եւ վատ տրամադրվածությամբ:)

-Վերջերս կրկին համերգային հրավերով ԱՄՆ-ում էիր: Կպատմե՞ս` ինչ համերգ էր դա:

-Դեկտեմբերի 23-ին Բելիվյու քաղաքում մասնակցեցի Սուրբ Ծննդին նվիրված համերգային միանգամից երկու ծրագրի: Հետաքրքիր էր` հանդիսսատեսի մեջ, գրեթե, չկային հայեր: Երգիչներից էլ միայն ես էի հայ: Կատարեցի իմ երգերից «Դժվար պահին»-ը, «Հորիզոններ»-ը, «Իմ սերը քեզ»-ը… Ուրախ եմ, որ օտարերկրացիներն այդքան բուռն ընդունեցին այդ ստեղծագործությունները:

Սուրբ Ծննդի օրն էլ հաճելի հանդիպում ունեցա Սիեթլի հայերի հետ: Զրուցեցինք, երգեցի նրանց համար: Հրաշալի ժամանակ անցկացրեցի եւ երկու օր առաջ վերադարձա հայրենիք:

-«Andrenaline»-ի նկարահանումներն արդեն ավարտվել են: Ինչպեսգիտենք` հաղթողին սպասվում է պայմանագիր քեզ հետ: Արդենմտածե՞լ ես, թե ինչ ծրագրեր ես իրականացնելու նրա հետ 2017-ին:

-Այո, «Andrenaline»-ն ավարտվեց Հայբերդի հաղթանակով: Շատ ուրախ եմ նրա համար` լավ երգիչ եւ արժանի հաղթող: Իհարկե, ես միշտ իմ խոստումը պահում եմ: Հանդես կգամ, որպես նրա պրոդյուսեր: Միասին կաշխատենք նրա նոր երգերի վրա: Գալիք տարում կփորձենք ներկայանալ անակնկալներով: Չեմ ուզում կոնկրետ ժամկետներ նշել, որովհետեւ տարվա սկզբից զբաղված եմ լինելու X Factor-ի աշխատանքներով, բայց, իհարկե, դա չի խանգարի, որ Հայբերդի հետ իրականացնենք մեր ծրագրերը:

-Անցնենք X Factor-ին: Կրկին տղաների խումբ… սկզբում, կարծես, թե այդքան էլ գոհ չէիր հեռուստադիտողի ընտրությունից: Այժմ, երբ ձեւավորել ես թիմդ, կարծիքդ փոխվե՞լ է:

-Ոչ թե գոհ չէի, այլ պարզապես երկու տարի առաջ կրկին տղաների թիմի հետ էի աշխատել, արդեն հաղթել էի այդ թիմով եւ մի նոր բան էի ուզում այս եթերաշրջանի համար: Աղջիկների թիմի հետ եւս աշխատել եմ, բայց երգչուհիների համար շոուներ բեմադրելն ավելի հեշտ է լինում:

Ինչեւէ, ես կրկին տղաների թիմի հետ եմ եւ կրկին պատրատ եմ զարմացնելու, նոր դեմքեր ներկայացնելու եւ հաղթելու:

Այո, այժմ ավելի, քան գոհ եմ իմ թիմից` լավ մարդիկ ու տաղադավոր երգիչներ: Օր օրի աշխատելով նրանց իմիջի եւ երգելաոճի վրա` հասկանում եմ, որ, բավականին, ուժեղ մասնակիցների եմ ընտրել, որոնց հետ սիրով աշխատելու եմ եւ ձգտելու եմ հաղթանակի:

-Սովորաբար, ինչպե՞ս ես սիրում դիմավորել Ամանորը:

-Ինձ համար Ամանորը կատարյալ է, երբ այն դիմավորում եմ ընտանիքիս անդամների կողքին: Եթե շատերի համար դա սովորական երեւույթ է, ինձ համար սպասված ճոխություն է, որովհետեւ հաճախ ստիպված եմ լինում ընտանիքիցս հեռու դիմավորել այս տոնը` աշխատելով եւ ուրախացնելով հազարավոր մարդկանց: Իհարկե, նրանց տոնական տրամադրությունն ինձ էլ է ուրախացնում, բայց, կարծում եմ` Նոր Տարին, առաջին հերթին, ընտանեկան տոն է:

-Այս տարի ինչպե՞ս ես անցկացնելու տոնական օրերը:

-Ընտանիքիս ու ընկերներիս հետ` այնպես, ինչպես սիրում եմ անցկացնել այս տոնը:

-Ի՞նչ ես ակնկալում 2017 թ-ից:

-Բնականաբար, ակնկալում եմ առողջություն` սիրելիներիս համար, խաղաղություն` սահմանին եւ, իհարկե, սեր ու բարություն, որպեսզի տարին անցնի դրական ու գեղեցիկ:

Սյունե Առաքելյան

NEWS.am STYLE