Շտապ. Ինչպես երազել, որ այն իրականություն դառնա. Տարածեք, քանի 2017-ը չի եկել

Wnews.am-ը գրում է.

Wnews.am-ում շատ տոնական տրամադրություն է և չնայած մեր “կրեատիվ” վերնագրին,  Wnews.am-ի հատուկ թղթակից, հաղորդավարուհի Արմինե  Ճաղարյանը իսկապես գիտի, ինչպես երազանքները իրականություն դարձնել: Հետևեք նրա խորհուրդներին, որպեսզի 2017-ի ձեր բոլոր երազանքներն իրականանան:

Կարծում եք միայն նոր տարվա գիշե՞րը պետք է երազանք պահել: Ամեն ինչ ավելի բարդ է: Երազելը վերացական երևույթ չէ, դա ավելի քան իրական է և ավելի քան արդյունավետ: Եթե հետևեք կանոներին: Նախ հասկանանք ինչ են մարդիկ հիմնականում երազում:
Վերջերս մի քանի սոցիալական ցանցերում հարցում եմ իրականցրել, պարզ հարց ուղղելով՝ ինչ եք երազում: Նախ ասեմ, որ մի չնչին մասն էր պատասխանում մեկնաբանություններում, մեծ մասը անձնական նամակներով, այսինքն մարդիկ ունեն ցանկություն իրենց երազանքը բարձրաձայնելու, բայց վախենում են ամաչում, այլ կերպ են ձևակերպում: Հիմնականում ցանկանում էին, հաջողություն՝պաշտոնի բարձրացում, նոր գործ, գործընկերների հարգանք: Սեր, բայց ավելի շուտ ամուսնություն, մեքենա, նյութական հարստություն, մի մեծ մաս էլ ՝ հանգստություն, խաղաղություն, մի խոսքով որ ուրախ լինեն: Ահա պարզեցինք, որ բոլորս էլ նույնն ենք ուզում: Հիմա կանոնների մասին: Ի դեպ ասեմ, որ ես գրում եմ, որպես մեկը ում երազանքները անխտիր իրականանում են, կասեմ նաև սխալներիս մասին:
Հավատ: Երազանքը, պետք է լինի հիշողության նման. այսինքն երբ դուք հիշում եք արդեն եղած դեպքը, դուք դա լրիվ տեսնում եք, մանրմասներով դուք չեք կարող չհավատալ արդեն եղած դեպքին, դուք վստահ եք: Երազանք ձևակերպելիս, պատկերացրեք դա այնքան մանրմասն, կարծես դա արդեն եղել է: Հավատացեք:
Հստակություն: Կարո՞ղ եք արդյոք փոքր կանացի պայուսակից, որտեղ քաոս է ու լիքը աղբ, գտնել, փոքրիկ ականջօղը; Ոչ, պետք է թափել ամեն ինչ, դասավորել: Նույն ձևոով, երբ ձևակերպում եք երազանք դատարկեք ու ազատեք ձեր մտքերը, անիմաստ անկարևոր աղբից, կենտրոնացեք միայն նրա վրա ինչը երազում եք: Մեկ հստակ ցանկություն:
Պատկերացրեք: Տեսեք, այդ պատկերը՝ օրինակ՝. ձեր կյանքում հայտնված նոր մարդուն, նրա հասակը, մազերի գույնը, իր ասած խոսքերը, պատկերացրեք ձայնը, իրականություն դարձրեք նրան: Բնակարան եք երազում: Ձեր տունը, քանի սենյակ է, ինչպիսին եք ուզւոմ լինի վարագույրը, իսկ գու՞յնը:

Մի հատ վատ կատակ կա: Ոսկե ձկնիկը շատ արագ հայտնվում է ձկնորսի ձեռքում, ու ասում ունես 6 վարկյան, մի երազանք ասա, արագացրու, շտապ, շուտ: Ձկնորսը խառնված, մտքում պահում է երազանքը: Ու տեսնում, որ իրեն սպասում է, շքեղ կրծքերով, թանկարժեք անիվներով, մեծ տուն:
Ահա մոտավորապես, այն սխալը, որը անում ենք բոլորս: Խառնում ենք մտքերը ու մի քանի երազանքները միմյանց: Իրարամերժ մտքերը՝ էներգիաները հաճախ չեզոքացնում են միմյանց:
Պետք է հասկանալ, որ ամեն ինչ իրենից ներկայացնում է էներգիա, մենք, մեր մտքերը, մեր բառերը՝ ամեն ինչ: Ուրեմն պետք է սովորել ղեկավարել մեր միտքը:
Երբ մեկ տարի առաջ ես ցանկանում էի, ուսում ստանալ արտերկրում, ես հաշվի չէի առնում մի փաստ: Ինչպես եմ ես ուզւոմ հասնեմ, դրան: Որ երկրում եմ ուզւոմ, ինչ լեզվով, ինչ ուղղվածությամբ: Ցանկությունս իրականացավ, բայց բարդություններով ու ես հիմա վստահ եմ, եթե ամեն ինչ պարզ պատկերացնեի ու դեպի երազանք տանող քայլերը պատկերացնեի ամեն ինչ ավելի լավ կլիներ: Նույնը անձնականում՝ հաճախ սեր են ուզում, բայց թե ում է ուղղված լինելու սերը, ինչպես է այդ մարդը վարվելու ձեր սիրո հետ չենք մտածում: Ամբողջական պատկերացրեք, այն ինչին ձգտում եք:

Եվ վերջում երեք բան՝
Չեն երազում ու երազանք չունեն, միայն վախկոտ անհաջողակները; Վախենում են, որ չի ստացվի ու նախընտրում են անգամ չերազել: Ես պատրաստ եմ, ասել ու գոռալ, որ այս եմ երազում ու այն, ու հետո ասեմ չէ չստացվեց այս անգամ: Վախենալու չի, հավատացեք:
Երազանքը լավ բան է, բայց դրան տանող ճանապարհն է մեզ ձևավորում, որպես այդ երազանքին արժանի մարդ: Կյանքը քայլերի մեջ է: Դժվարությամբ ու արկածներով գնված մեքենան ավելի թանկ է, քան նվիրվածը: 20 տարվա հին ընկերը ավելի թանկ է, քան երեկվա պատահական սերը:
Այն մասին թե ով ես դու, կարող է լավագույնս պատմել, քո երազանքը: Քո երազանքը դա դու ես, միայն թե՝ վաղը:
Իսկ վաղը նոր տարի է, նոր օր ու դուք ընդունված եք աշխատանքի, ձեր մասնագիտությունը ՝ երազող է: Դա աշխատանք է, կանոններով ու պարտականություններով:
Ի դեպ եթե դուք կին եք, ձեզ ավելի հեշտ է երազել, չէ որ այս Նոր տարի կգտնվի տղամարդ, ով պատրաստ է ձեր երազանքները իրականացնել: Չնայած գտնելու բարդ գործը ձեզ վրա է, այստեղից հետևություն՝ կին լինելը դժվար, բայց ուժեղ խաղաքարտ է: