Գերմանիայում մտահոգված են, որ կեղծ նորությունները կարող են ընտրությունների ընթացքի վրա ազդել

Կեղծված նորությունները կարող են ազդել Բունդեսթագի ընտրությունների ընթացքի վրա: «Քաղաքացիները եւ լրատվամիջոցներն այս նախընտրական արշավի ընթացքում պետք է առանձնահատուկ զգուշությամբ արձագանքեն նորություններին: Հարկ է տեղյակ լինել, որ դրանք մանիպուլացնելու փորձեր են արվում»,- Funke Mediengruppe-ի հետ հարցազրույցում հայտարարել է ընտրությունների անցկացման դաշնային լիազոր Դիտեր Զարայտերը:

Նրա խոսքով՝ քաղաքական կուսակցությունները եւ լրատվամիջոցները «պետք է էլ ավելի մանրամասն ստուգումներ կատարեն՝ կեղծ տեղեկատվությունը իրականից տարբերակելու համար»:

Գերմանիայի ՆԳ նախարար Թոմաս դե Մեզյերն, իր հերթին, համացանցի օգտատերերին կոչ է արել վճռականորեն պայքարել ֆեյքերի դեմ՝ հայտնելով, որ հնարավոր է՝ կեղծ հաղորդագրությունները պատժելի դառնան, որի հետ կապված պետք է քննություն անցկացվի:

Հունվարի 1-ին Հեսենի, Բավարիայի եւ Սաքսոնիա-Անխալտի դաշնային հողերի արդարադատության նախարարը Բունդեսթագին կոչ է արել մինչեւ աշնանային ընտրությունները աջակցել «համացանցային բոտերի» արգելման մասին օրինագծին: Ֆեյքային հաշիվները համացանցը «ապատեղեկատվությամբ են հեղեղում» խառնաշփոթ ստեղծելու, հասարակության տրամադրությունն արմատականացնելու եւ ճգնաժամային իրավիճակներում փրկրարների եւ ոստիկանների աշխատանքին խոչընդոտելու համար, նշված է հայտարարության մեջ: