Ինչպես հագուստի միջոցով թաքցնել որովայնի թերությունները

ԼԱՅՖ 20 Սեպտեմբեր, 2015 19:49

Wnews.am-ը գրում է.

Կախ ընկած փորը շատ կանանց է տհաճություն պատճառում և շատերն են մտածում՝ ինչ հագնել, որ այն չընդգծվի: Այս խնդրի առջև են կանգնում ինչպես գիրուկ, այնպես էլ նիհար կազմվածք ունեցողները: Բանն այն է, որ ավելորդ քաշի և ուռուցիկ փորի միջև ուղիղ կապ չկա: Որովայնի հատվածում ճարպային հատվածի կուտակումը կարող է պայմանավորված լինել նստակյաց ռեժիմով, սխալ սննդով և այլն:

Իսկ ինչպե՞ս թաքցնել այդ թերությունը…

Հիմնական օրենքները

Իմանալով՝ ինչպես թաքցնել որովայնի թերությունները, շատ հեշտ կլինի կազմվածքին հաղորդել իդեալական տեսք: Ահա մի քանի հեշտ կանոններ, որոնց հետևելով՝ կարող եք հոյակապ տեսք ունենալ:

1. Ներքնազգեստի ճիշտ ընտրություն: Երկարավուն, մինչև իրանը հասնող կիպ վարտքիները կարող են շտկել որովայնի չափսերը: Դրանց ոչ այնքան հարմարավետության պատճառով խորհուրդ չի տրվում կրել ամեն օր:

2. Չարժե ուռուցիկ որովայնը թաքցնել մեծ հագուստի միջոցով, քանի որ այդպիսով դուք էլ ավելի գեր կթվաք: Չափից դուրս նեղ հագուստը ևս ձեր կազմվածքին նրբագեղություն չի հաղորդի: Ավելի լավ է կանգ առնել ոսկե միջինի վրա:

3. Հագուստի միջոցով ուշադրությունը շեղեք ձեր կազմվածքի առավելությունների վրա: Օրինակ՝ կարճ շրջազգեստը բարձրակրունկներով բոլորի ուշադրությունը կսևեռի ձեր ոտքերի վրա՝ մոռացության տալով իրանը:

4. Հագուստի ճիշտ ձև: Օբյեկտիվորեն գնահատեք ձեր կազմվածքը և հեշտ կլինի ընտրել ճիշտ ձևի հագուստ: Օրինակ՝ եթե դուք խոշոր եք, ապա ճիշտ կլինի ընտրել հագուստ նախատեսված գեր մարդկանց համար, այն ոչ միայն կթաքցնի թերությունները, այլ նաև կընդգծի առավելությունները:

Հաղթանակած տարբերակներ

1. Շոր կամ բլուզ բաց դեկոլտեով, որն ընդգծում է կուրծքը՝ մոռացության տակով որովայնը:

2. Տունիկաներ բարձր իրանով, որոնք ընդգծում են դեկոլտեի հատվածը:

3. Նեղ իրանով ժակետներ, որոնք հասնում են մինչև կոնքերը:

4. Ուղիղ և երկար շրջազգեստներ, որոնք ձգում են կազմվածքը:

Զգեստապահարանից ընդմիշտ հանում ենք.

1. Կոնքերից սկսվող շրջազգեստներն ու շալվարները, քանի որ որովայնի ավելորդ հատվածն այդպիսով կախվում և ընդգրկվում է:

2. Կիպ և կարճ բլուզներ, որոնք ընդգծում են որովայնի թերությունները:

Հավատացեք, միշտ էլ կգտնվի գեղեցիկ ու նորաձև հագուստ, որը կընդգծի ձեր կազմվածքի առավելություններն ու կթաքցնի թերությունները: