Հորոսկոպի ո՞ր նշաններին ի՞նչ փոփոխություններ են սպասվում 2017-ին

Խոյ

Խոյերին սպասվում է բավականին հանգիստ տարի, սակայն հարկավոր չէ նախանձել նրանց, ում կյանքը կարող է միանգամից շրջադարձայնորեն փոխվել: Ձեր էներգիայի շնորհիվ դուք կհասնեք ձեր նպատակներին: Գուցե ձեզ թվա, որ ձեր ջանքերն ապարդյուն են, սակայն մի՛ հուսահատվեք, շարունակե՛ք աշխատել և դուք առատորեն կվարձատրվեք: Խորհուրդ է տրվում 2017-ի նպատակների ցուցակ կազմել, այսպես ավելի հեշտ կլինի աշխատել դրանց իրագործման ուղղությամբ:

Ցուլ

Հրե Աքաղաղի տարին Ցլերի համար կլինի բուռն էմոցիաներով լի: Ձեզ դժվար կլինի զսպել զգացմունքները հակառակ սեռի նկատմամբ, ինչը հետագայում կհանգեցնի ոչ այդքան ցանկալի արդյունքի և հետևանքների: Դրանից խուսափելու համար հարկավոր է ականջ դնել ոչ միայն ձեր ներքին ինտուիցիային, այլև բանականության ձայնին:

Երկվորյակներ

2017-ը Երկվորյակների համար լի է լինելու նոր, հոտաքրքիր և անգամ ճակատագրական հանդիպումներով: Դուք հրաշալի կերպով կկողմնորոշվեք ընտրություն կատարելիս թե՛ կարիերային և թե՛ անձնական կյանքին վերաբերվող հարցերում: Սիրային հարաբերություններում խորհուրդ է տրվում լսել ներքին ձայնին: Եթե ինչ-որ մեկին սկսեք համակրել, ապա երկրորդ պլան նետե՛ք բանականությունը և լսե՛ք ձեր սրտին:

Խեցգետին

Չնայած դուք երազում եք հանգիստ և հավասարակշռված կյանքի մասին՝ 2017-ը ձեզ բազմիցս կգցի անակնկալ և անսպասելի իրավիճակների մեջ: Սակայն ամեն ինչ բարեհաջող ավարտ կունենա և դուք կհաստատեք այդ բաղձալի հանգստությունը: Մի՛ հուսահատվեք, եթե ինչ-որ բան ձեր նախանշածի պես չդասավորվի, ճակատագիրը ձեզ համար էլ ավելի լավն է նախատեսել:

Առյուծ

Հրե Աքաղաղի տարում Առյուծները, ավելի քան սովորաբար, լինելու են բոլորի ուշադրության կենտրոնում:  Սա ձեզ կօգնի ճիշտ կապեր հաստատել և հասնել ցանկալիին: Սակայն հարկավոր է ուշադիր լինել. շատերը կփորձեն ձեզ շողոքորթել: Նրանք կարող են ձեր վարկաբեկել, ուստի հեռու մնացեք նման մարդկանցից: Բոլոր փոփոխությունները լինելու են սահուն և կանխատեսելի, այսպիսով, երազանքներ պահեք, մասշտաբային նպատակներ դրեք ձեր առջև և անցեք դրանց իրագործմանը:

Կույս

2017-ը որոշակի շտկումներ կմտցնի ձեր կյանք: Մի՛ զարմացեք, եթե սովորական այցը խանութ դառնա ճակատագրական հանդիպման վայր, ուր դուք կգտնեք ձեր երկրորդ կեսին: Սակայն եթե դուք շարունակ նյարդայնանաք, որ ձեր պլանները խախտվում են, ապա դուք հաջողության չեք հասնի: Աստղերը ձեզ հետ կապված իրենց  պլաններն ունեն և հարկավոր չէ նրանց խանգարել:

Կշեռք

Կշեռքների մոտ մեծ փոփոխություններ են սպասվում անձնական կյանքում: Ձեր բաց, թեթև և կեսուրախ բնույթը ձեր կողմ կգրավի հետաքրքիր մարդկանց, որոնցից դուք կընտրեք ձեր երկրորդ կեսին: Սակայն անձնական կյանքի բուռն զարգացումները կխանգարեն ձեր կարիերային, բավականին դժվար կլինի մասնագիտական առաջխաղացում ունենալը:

Կարիճ

Հրե Աքաղաղի տարում դուք բազմաթիվ հնարավորություններ կունենաք կարիերայի աճ ունենալու և ձեր ֆինանսական վիճակը բարելավելու համար: Աշխատանքն իր հունով կընթանա և այն իրավիճակներում, որտեղ ուրիշները անկարող կլինեն հարցին լուծում տալ, դուք հեշտությամբ կարգի կբերեք ամեն ինչ: Իսկ այ մոտիկ համարվող մարդկանց վստահելու հարցում հարկավոր է զգույշ լինել և նրանց ամեն ինչ չպատմել, չէ՞ որ միայն մոտիկները կարող են հարվածել ձեր թույլ կողմերին:

Աղեղնավոր

2017-ում ձեր մեջ կարող են ի հայտ գալ այնպիսի տաղանդներ, որոնց մասին դուք անգամ պատկերացում չունեիք: Հենց դրանք ձեզ կօգնեն հասնել հաջողության և ձեր նպատակներն ի կատար ածել: Հարկավոր չէ անհանգստանալ փոփոխությունների մասին, քանի որ ցանկացած նոր բան իր հետ բերում է նոր զգացողություններ և կեսափորձ:

Այծեղջյուր

2017-ում կարող է ստեղծվել մի իրավիճակ, որը ամեն բան ոտքից գլուխ կշրջի: Այդ ամենի պատճառը ձեր էմոցիաներն են, որոնք այս տարի վերահսկողությունից դուրս գալու վտանգի տակ են: Որպեսզի ամեն ինչ չփչացնեք, հարկավոր է ուշադիր լինել, թե ում եք ընդունում ձեր շրջապատ և մի բան ասելուց կամ անելուց առաջ մի լավ մտածեք: ‹‹Յոթ անգամ չափի՛ր, մեկ՝ կտրի՛ր›› ասացվածքը ձեզ համար 2017-ի կարգախոսը պետք է լինի:

Ջրհոս

Հրե Աքաղաղի տարին ձեզ բազմաթիվ հնարավորություններ կընձեռի ձեր ամենանվիրական ցանկություններն իրագործելու համար, ավելին, դուք անգամ ջանք չեք թափի ցանկալիին հասնելու համար: Պարզապես հարկավոր է ուշադիր լինել և պահը ձեռքից բաց չթողնել: Հարկավոր է հիշել նաև հաստատված կանոնների մասին, քանի որ նպատակին հասնելու ճանապարհին, ձեզ մոտ կարող է թույլատրելիի սահմանն անցնելու ցանկություն առաջանալ: Պարզապես վստահ եղեք ձեր ուժերի և մտերիմերի աջակցության վրա:

Ձկներ

Որքան էլ չփորձեք մանրակրկտորեն գծել ձեր պլանները, ճակատագիրը միանշանակ իր ուղղումները կկատարի: Սակայն հարկավոր չէ հուսահատվել, քաջությամբ ընդունեք ճակատագրի կողմից նախապատրաստած փոփոխությունները և կզգաք, որ ստանում եք ավելին քան ինքներդ պլանավորել էիք: Պարզապես խորը շունչ քաշեք և հաճույք ստացեք 2017-ի ամեն պահից: