Առաջին Ամանորն է, որ դիմավորեցինք մեր փոքրիկ ընտանիքով. Արևիկ Ալավերդյան

ՖՈՏՈ 9 Հունվար, 2017 13:36

Այս Ամանորը փարիզաբնակ երգչուհի Արեւիկ Ալավերդյանի համար խորհրդանշական է եղել` նա առաջին անգամ աշխարհի ամենաընտանեկան տոնը դիմավորել է լիարժեք ընտանիքով` ամուսնու ու մեկ ամսական որդու հետ.

«Առաջին Ամանորն է, որ դիմավորեցինք մեր փոքրիկ ընտանիքով. Դա գիտակցելը պարզապես հրաշալի է: Չնայած նրան, որ Նոր տարվա գիշերը` 12 զանգերի ժամանակ փոքրիկս անուշ քուն էր մտել, քանի որ դրանից րոպեներ առաջ հայրիկը նրան քնեցրեց, սակայն մենք Նոր տարին շատ բարձր տրամադրությամբ դիմավորեցինք: Այդ օրը մեր ընկերներից մեկի տանը նշեցինք, ուր շատ հաճելի միջավայր է. Տարվա գլխավոր տոնը անցկացրինք թեեւ Փարիզում, սակայն հայկական մթնոլորտում»,- Life.panorama.am-ի հետ զրույցում պատմեց Արեւիկ Ալավերդյանն ու նշեց, որ ֆրանսիաբնակ հայերը տոները նշում են հայկական տարբերակով.

«Ֆրանսիացիների հետ երբեք Ամանորը չեմ նշել, չգիտեմ էլ նրանց ավանդույթները այդ օրվա հետ կապված, միայն գիտեմ, որ նրանք եւս շատ ուրախ են նշում այդ օրն ու եզրափակվում միայն մեկ օրով: Դե իսկ մենք` հայրես, տոներին պատրաստվում ենք հայերին հատուկ տարբերակով, սակայն նշում ենք առավելագույնը 2-3 օր, ինչը կարծում եմ, շատ լավ է: Չեմ սիրում, երբ օրերով շարունակվում են տոնական եռուզեռը»,- հավելեց նա:

Խոսելով մեկ ամսական որդու` Դավիթի մասին, Արեւիկը ժպիտով պատմեց իրենց ընտանիքում տիրող մթնոլորտի մասին.

«Դավիթը շատ համով բալիկ է, նա ասես ամեն օր է փոխվում: Կարող եմ ասել, որ տղաս հանգիստ բալիկ է, եթե անհանգստացնող ոչինչ չլինի, լաց չի լինի: Սիրում է ուտել ու քնել: Նաեւ շատ շարժուն է, կարծում եմ` ապագայում աշխույժ է լինելու»,- պատմեց երջանիկ մայիկը:

Մինչ որդու ծնունդը` Արեւիկը ցանկություն է ունեցել, որպեսզի որդին հայրիկին նման լինի եւ նրա ցանկությունը կատարվել է.

«Դավիթը Հայկին շատ նման է: Երբ հղիության ամիսներն էի վայելում, ուզում էի, որպեսզի տղաս շատ նման լինի հայրիկին, արի ու տես` ցանկությունս կատարվեց: Շատ կցանկանամ, որ մեր տղան վերցնի իմ ու հայրիկի լավագույն կողմերը, լինի լավ ու պիտանի մարդ, իր հայիկի նման` հայեցի մեծանա օտար երկրում. Մենք դրանք ենք ձգտում, դա մեզ համար շատ կարեւոր հարց է»,- ընդգծեց Արեւիկ Ալավերդյանը:

Շարունակությունը` այստեղ: