Աշնանային դիմահարդարում․ շոկոլադի երանգներ

Բազմապիսի դարչնագույն կոսմետիկ միջոցները, որոնք թողարկվել են այս տարի, չեն կորչի. 2015-ի աշնանը սուրճի և շոկոլադի բոլոր երանգները հայտնվել են սեղոնի ամենատարածված գույների սանդղակի վերին հորիզոնականներում:

Նույնիսկ այդպիսի տարածված գույների պարագայում բազմազանություն ցանկություն է առաջանում. ահա թե ինչու յուրաքանչյուր սեզոն ի հայտ են գալիս դիմահարդարման ուրույն եղանակներ: Մատի ծայրո՞վ, թե՞ վրձնով, միչև ունքե՞րը, թե՞ հստակ կոպերի ծալվածքի երկայնքով․․․

Խիտ շերտով

Ստվերների խիտ շերտով քսելու միտումը երբեմն փորձեր է արել կյանքի ուղեգիր ատանալ վերջին մի քանի սեզոնների ընթացքում: Այս աշնանը, հնարավոր է, ամեն ինչ ի կատար ածվի Dior-ի՝ դիմահարդարման գծով ստեղծագործական տնօրեն Փիթեր Ֆիլիփսի թեթև ձեռքով: Ձեռքերի ճկունություն է անհրաժեշտ, երբ smoky eyes-ի ստեղծման ժամանակ դիմահարդարման սահմանները լղոզվում են, այդ իսկ պատճառով հնարավոր են փոքրիկ թերացումներ, ուսի խիտ քսելիս հարկ է լինել առավել զգույշ, սահմանները հավասար պահել և հետևել սիմետրիային: Որպես հիմք կարելի է օգտագործել համապատասխան գույնի մատիտ, որպեսզի ստվերները մակերեսին նստեն հավասար և առանց բացթողումների: Իսկ քսել ավելի հարմար է ջրով թրջած արհեստական տափակ վրձնով. մեղմ, սեղմող շարժումներով՝ վրձնի վրա վերցնելով հնարավորինս շատ ստվեր և աշխատելով չկորցնել այն գործողության ընթացքում:

Սև և շոկոլադ

Մաքուր շագանակագույնը ներդաշնակ է կապույտ և երկնագույն աչքերի համար, իսկ ահա մյուսներին ավելի լավ է այն համադրել սևի հետ՝ թարթիչների աճման գծի երկայնքով։ Ընդ որում, պարտադիր չէ, որ դիմահարդարումը լինի հագեցված և երեկոյան։ Որպեսզի տանեք առավել բարակ եզրագծեր, պետք է լավ սրեք մատիտը, իսկ բուն գիծը մի փոքր սրբագրեք վրձնով։ Այդ դեպքում ստվերներն ավելի լավ է քսել հետևելով կոպերի բնական եզրագծերին, իսկ թարթիչների համար ավելի լավ է ընտրել ոչ թե շագանակագույն, այլ սև ներկ, հակառակ դեպքում վտանք կա, որ աչքերը «կընկնեն»։ «Դիմահարդարման դասական կանոնն է․ որքան խիտ և մուգ է գույնը կոպերի վրա, այդքան ուժգին պետք է ընդգել թարթիչները,-ասում է Դիք Փեյջը (Shiseido)։-Բացառություն կարելի է անել միայն վառ երնագների համար, որոնք ինենք իրենց դառնում են լավ, ինքնաբավ շեշտադրում և սատարման կարիք չունեն»։

Ամբողջությամբ nude

«Շատերը վախենում են դարչնոգույնի հագեցվածությունից, սակայն բոլորովին անտեղի,-նշում էՊետ Մաքգրաթը, ով նուրբ և ընտիր դիմահարդարում է արել Gucci-ի ցուցադրության համար։-Ես որպես հիմք օգտագործել եմ բաց շագանակագույն երանգների ստվերներ, իսկ մուգ դարչնագույնով ընդգծել թարթիչների աճման գիծը և այն գործնականում խամրացրել եմ, որպեսզի նստի որպես ստվեր և ոչ թե գույն»։

Շագանակագույնով հրաշալի կերպով ընդգծվում են ունքերը, իսկ անհրաժեշտության դեպքում խամրած, ոչ շատ մուգ ստվերով և համապատասխան վրձնով կարելի է անգամ նկարել այտոսկրերի գծերը, եթե, իհարկե, ձեռքի տակ չկան հատուկ ուրվագծող միջոցներ, որոնցով շատ ավելի դյուրին է աշխատելը։

Ռետրո

Դարչնագույն ստվերներն ու շոկոլադե շրթներկն անցյալի բնութագրիչներ են։ «Զարմանալի գույն, մի կողմից հագեցված, մյուս կողմից՝ մաշկին համահունչ․ահա թե ինչու այն չի գրգռում ու հոգնեցնում աչքը,-ասում է Թոմ Պեշոն Elie Saab-ը ցուցադրող մոդելների մասին։-Բաց գույների շրթունքներով կստանանք հիսունականների կերպարներ, մուգով՝ երևակայությունն անմիջապես առաջ է գնում ժամանակի մեջ»։

Մուգ շրթներկերի հետ պետք է լինել ավելի քան զգույշ․ որպեսզի չվերածվեք ութսունականների դիսկոդեկների աստղի, այլ մնաք յոթանասունականների ռոմանտիկ կերպարի մեջ, աչքերն ավելի լավ է թողնեք հնարավորինս մաքուր՝ նվազագույն տուշ, ստվերների և ուրվագծքի զգալի սրբագրում։ Իսկ որպեսզի ավելի հետաքրքիր լինի, արժե խաղալ․ խամրած և փայլուն դարչնագույնները բոլորովին տարբեր բնավորություն ու տրամադրություն ունեն։

Աղբյուր` LADYNEWS.am