Լե Պենն առաջին անգամ առաջ Է անցել նախագահական մրցարշավում իր մրցակից Ֆիյոնից

Ֆրանսիայի «Ազգային ճակատ» աջամետ կուսակցության առաջնորդ եւ նախագահի թեկնածու Մարին Լե Պենն առաջին անգամ առաջ Է անցել նախագահական մրցարշավում իր մրցակից Ֆրանսուա Ֆիյոնից, բայց կանխատեսումը նշում Է երկրորդ փուլում Ֆիյոնի հաղթանակը: Այդ մասին, ինչպես տեղեկացնում Է «Արմենպրես»-ը, ասված Է հասարակական կարծիքի հարցման նյութերում, որոնք հրապարակվել են Paris Match շաբաթահանդեսում: 

«Լե Պենը որպես առաջին փուլի հաղթող Է դիտվում՝ հավաքելով ձայների մոտավորապես 26,5 տոկոսը: Ֆիյոնը երկրորդ տեղում Է ձայների գրեթե 25 տոկոսով»,-ասված Է հաղորդագրության մեջ: 

Լե Պենը հարցման առաջատարն Է դարձել Ֆրանսիայի աշխատավոր դասի շրջանում Ֆիյոնի ժողովրդականության նվազման ֆոնին, մասնավորապես, Լե Պենին հարցման ընթացքում պաշտպանել Է աշխատավոր դասի ներկայացուցիչների շուրջ 50 տոկոսը, նշում Է հրատարակությունը:

Դրա հետ մեկտեղ հարցումը ցույց Է տալիս, որ նախագահական ընտրությունների՝ մայիսին կայանալիք եզրափակիչ փուլին Լե Պենի մասնակցության դեպքում «Միություն հանուն ժողովրդական շարժման» կուսակցության առաջնորդ Ֆիյոնը կարող Է ապահովել ընտրողների 65 տոկոսի աջակցությունը՝ Լե Պենի 36 տոկոսի դիմաց: Նոյեմբերին հրատարակության անցկացրած նախորդ հարցման ժամանակ այս թեկնածուների աջակցման հարաբերակցությունը 65 տոկոս Էր 35 տոկոսի դիմաց:  

Սոցիալիստներից փրայմերիզների մյուս թեկնածուն Մանուել Վալսն Է, որը Ֆրանսուա Օլանդի կառավարությունում վարչապետի պաշտոնը թողել Է, որպեսզի ընտրություններին մասնակցելու հնարավորություն ունենա: Ներկայում նա հավաքում Է ձայների 17 տոկոսը:

Ֆրանսիայում նախագահական ընտրությունները երկու փուլով կանցկացվեն ապրիլի 23-ին եւ մայիսի 7-ին, հաղորդել Է ՌԻԱ Նովոստին: