BBC–ն հետաքննում է «Շերլոկ» հեռուստասերիալի 4–րդ եթերաշրջանի 3-րդ դրվագի՝ համացանցում հայտնվելու փաստը

BBC հեռուստաընկերությունը պաշտոնապես հայտարարել է, որ  հետաքննում է «Շերլոկ» հեռուստասերիալի 4–րդ եթերաշրջանի 3-րդ դրվագի՝ համացանցում հայտնվելու փաստը։ Ռուսաստանում ցուցադրության իրավունք ունեցող 1-ին ալիքն արդեն հայտնել է, որ միջադեպի մեջ կասկածում է հաքերներին։

«BBC Worldwide–ը լուրջ է մոտենում մեր անվտանգության խիստ համակարգի խախտմանը, եւ մենք նոր հետաքննություն ենք նախաձեռնել, որպեսզի պարզենք, թե ինչպես է տեղի ունեցել արտահոսքը»,– ասված է ընկերության կոմերցիոն ստորաբաժանման հայտարարության մեջ։

«Նախնական վարկածի համաձայն՝ պատճառը  հաքերային հարձակումն է եղել։ Միջադեպի մասին լիարժեք ինֆորմացիան Առաջին ալիքը  գործընկերներին կհայտնի հետաքննության ավարտից հետո»,– ասված է հեռուստաալիքի հայտարարության մեջ։