Ասանժը պատրաստ է ԱՄՆ-ի հետ բանակցել արտահանձնման հարցի շուրջ

WikiLeaks-ի հիմնադիր Ջուլիան Ասանժը պատրաստ Է ԱՄՆ-ի հետ բանակցել արտահանձնման հարցի շուրջ: Այդ մասին, ինչպես տեղեկացնում Է «Արմենպրես»-ը, հունվարի 18-ին TT գործակալությանը հայտարարել Է նրա շվեդ փաստաբան Պեր Սամուելսոնը:

«Նա պատրաստ Է բանակցել այդ հարցի շուրջ եւ նախաձեռնության Է սպասում ամերիկյան կողմից»,-նշել Է փաստաբանը: Ընդ որում՝ նա հավելել Է, որ Ասանժը չի կարող վստահ լինել, որ ԱՄՆ-ում չի ձերբակալվի: 

Ավելի վաղ ռեսուրսի հիմնադիրը հայտարարել Էր, որ կհամաձայնի արտահանձնվել Միացյալ Նահանգներ, եթե ԱՄՆ-ի հեռացող նախագահ Բարաք Օբաման ներում շնորհի WikiLeaks կայքի իրազեկիչ Չելսի Մենինգին:

Սպիտակ տան մամուլի ծառայությունը հունվարի 17-ին հայտնել Է, որ ԱՄՆ-ի նախագահ Բարաք Օբաման իր պաշտոնաթողությունից երեք օր առաջ մեղմացրել Է WikiLeaks կայքի իրազեկիչ Չելսի Մենինգի նկատմամբ դատավճիռը, որը 35 տարվա ազատազրկման Էր դատապարտվել գաղտնի տեղեկությունների հանձնման համար: Դրա շնորհիվ Մենինգը ազատ կարձակվի այս տարվա մայիսի 17-ին: 

Ամերիկյան բանակի շարքային Բրեդլի Մենինգը ձերբակալվել Է 2010-ի մայիսին: Նրան մեղադրել են շուրջ 700 հազար գաղտնի փաստաթղթերի հանձնման մեջ, որոնք վերաբերում են Իրաքում եւ Աֆղանստանում ԱՄՆ-ի ռազմական գործողություններին: 

2013 թվականի օգոստոսին Մենինգը դատապարտվել Է 35 տարվա ազատազրկման: Բանտում նա հասել Է դատական վճռի այն մասին, որ իրավաբանորեն համարվում Է կին Չելսի անունով:   Բանտում գտնվելու ընթացքում, Մենինգի փաստաբանների խոսքով՝ դատապարտյալն ինքնասպանության երկու փորձ Է արել: 

2012 թվականից Ասանժը թաքնվում Է Մեծ Բրիտանիայում Էկվադորի դեսպանատանը, որպեսզի խուսափի Շվեդիա արտահանձնվելուց, որտեղ նրան կասկածում են բռնաբարության եւ սեռական ոտնձգությունների մեջ: Իր մեղքը լրագրողը ժխտում Է եւ երկյուղում Է, որ Շվեդիայի իշխանություններին հանձնվելուց հետո Ստոկհոլմն իրեն կարտահանձնի ԱՄՆ, հաղորդել Է ՏԱՍՍ-ը: