Օրվա տրանսֆերային կարևոր անցուդարձն ինֆոգրաֆիկայով

Ներկայացնում ենք օրվա տրանսֆերային կարևոր իրադարձությունները մեկ տողով:

 

ԱԻԿ-ի 17-ամյա հարձակվող Ալեքսանդեր Իսակի ծառայություններով հետաքրքրված է Դորտմունդի «Բորուսիան»: Եթե գործարքը կայանա, ապա շվեդական ակումբը կստանա 8,65 մլն եվրո: Շվեդիայի ընթացիկ առաջնությունում Իսակը մասնակցել է 24 հանդիպման և դարձել 10 գոլի հեղինակ:

 

Իտալական «Ռոմայի» գլխավոր մարզիչ Լուչանո Սպալետին նշել է, որ թիմի կիսապաշտպան Ռաջա Նայնգոլանն արժե այնքան, որքան Պոլ Պոգբան:

 

Լոնդոնի «Չելսիի» գլխավոր մարզիչ Անտոնիո Կոնտեն խոսել է թիմի դարպասապահ Ասմիր Բեգովիչի մասին՝ նշելով, որ ակումբը վերջինիս տրանսֆերը գնելու առաջարկ է ստացել: 

 

MLS-ի նորեկ «Լոս Անջելես» ակումբը ցանկանում է ձեռք բերել Լևերկուզենի «Բայերի» հարձակվող Չիչարիտոյին: Վերջերս մեքսիկացին նշել էր, որ կարիերան շարունակելու համար Ամերիկան ավելի նախընտրելի երկիր է, քան Չինաստանը:

 

Կալինիչը հրաժարվել է տարեկան 48 մլն եվրո աշխատավարձից և կմնա իտալական «Ֆիորենտինայում»:

 

«Ռոման» հետաքրքրված է Դոնեցկի «Շախտյորի» 24-ամյա կիսապաշտպան Մաքսիմ Մալիշևի ծառայություններով:

 

Անգլիական «Մանչեսթեր Յունայթեդի» կիսապաշտպան Էշլի Յանգին չեն հետաքրքրում չինական ակումբները:

 

Ուրուգվայի ազգային հավաքականի պաշտպան Մարտին Կասերեսը, ով համաձայնեցրել էր իր պայմանագրի կետերը թուրքական «Տրաբզոնսփորի» հետ, ձախողել է բուժզննումն առողջական խնդիրների պատճառներով:

 

Կառլ-Հայնց Ռումենիգեն խոսել է Սերժ Գնաբրիի մասին՝ ընդգծելով, որ «Բավարիան» հետևում է Գերմանիայի ընտրանու բոլոր ֆուտբոլիստներին:

 

Լոնդոնի «Արսենալի» գլխավոր մարզիչ Արսեն Վենգերը նշել է, որ «զինագործները» չունեն Դիմիտրի Պայեի կարիքը:

 

Gazzetta-ի այսօրվա համարի առաջին էջում ՊՍԺ-ի կիսապաշտպան Մարկո Վերատին էր, ում ծառայություններով ակտիվորեն հետաքրքրված են «Յուվենտուսը» և «Ինտերը»:

 

«Բոկա Խունիորսը» պատրաստ է ամռանը ձեռք բերել «Մանչեսթեր Յունայթեդում» հանդես եկող արգենտինացի դարպասապահ Սերխիո Ռոմերոյի տրանսֆերը: